THUSUO

Apostolic Nuncio to India and Nepal, Most Rev. Leopoldo Girelli in February 28 akipat March 1, 2026 sungin Tura ah azin ding hi. Tami gam a Vatican high-profile pan a vena masapen zong ahi ding hi.

Tura a Nuncio azin ding hi Northeast gam adingin Vatican pana vena aniveina ahidinga, 1984 kum a Pope John Paul II Shillong a ana zinna khu amasapen anahi hi.

Venezuela kumpipa, Pu Maduro kimatna ha khat achingta a, agam mi phasa khat in pha asa ua, hitamaleh kumpi neilou in aum veve uhi. Tambang dinmun a bang dinga agam siempupite hamlou phunloua um uh adiei? Tu dinmun a bangma gen lou ding hoi asa zaw uhi. Gen ding anei uhleh, ngaina in agen khawm jel uhi tualeh theisahna lai khat ahawm let uhi. Masang lai in mihing hina suhsietna (violation of human rights), dihtah a kitelna nei ding chite tungtangah thu ana jeh jel uhi. Caracas Khuopi a Archbishop Emeritus Pu Cardinal Bartazar Porras pen siempupi dangte sanga na hangsan khat ahia, ama pen in Venezuela kumpi ana ngiel let gige hi. Tuajieh in siempupi dangte’n ama aning koi let uhi. Kumpite’n zong ama aning khiin uhi. Kumlui December ha in kumpi’n Vatican Khuopi Visa anei vangin aphasahsih uhi. Cardinal Porras in mipi thu ana ngai let gige a, mipi dinmun ana pom let gige hi. Siempupi phasa khat pen in adap panpi veve uhi.

Kinepna lienpi toh siengthou zinna ni 3 ni Khawmpi ah Asia gamkai ah lamkaite kikupna ah siempute leh siadawte tasah leh lungsim damna poimaw dan nasah in kikup ua, mailam ah siempu leh siadawte dingin lungsim leh tasah damna ding ki houna tuam leh Khawmpi tuam tuam sai ding poimaw dan hun saupi kikup uhi.

Pu Cardinal Philip Neri FABC President in Kinepna lienpi toh siengthou zinna thu leh laa kikupnate Asia gamkai leh pawlpite’n I umna chiet ua zui chiet leh zah chiet dingin poimaw sah thugen hi.

Penang khopi kikupna in kum 2033 in Jesus shi kum 2000 chinna  ki kholna leh ki ginna hun ei mangsah thei jong hoina khat ahi chin gen.

Kinepna toh Zinna Siengthou Pawi nini ni (Nov 28) ah Syro-Malabar Major Archbishop leh India gam a Ernakulam-Angamaly-a Metropolitan Archbishop, His Beatitude Archbishop Raphael Thattil in thugenna thupitah ana nei hi. Athupi: “Krist toh kimaituona tha neiding a hatna” chi ahi. Tami session ah bishopte, siempute, Pasian nasemte sim in mi 900 val Asia gamkai sunga gam tuomtuom pan in ahing tel uhi.

Philippines Gam a Cardinal Pablo Virgilio David in agam ua Katholik Pawlpi mite kungah kumpi gitnat lou jieh kiphinna ah pang un chi'n hanthawnna apie hi. Mitmu ngei in kumpi adusahsih ua, juouthu toh vaihawm tamtah aum a, mipite'n kumpi tahsanlana anei uhi. Tutung kiphinna pen apeisa September 21 nia kibawl kizom kia ahi. Tam ni'n Trilion Peso March kichi na kineia, mi asangsangin kiphinna bawl in ahing kuon uhi.

Kinepna lienpi toh siengthou zinna ( The Pilgrimage of Hope) ani 3 ni’n Pu Cardinal Ambo David, Vice President of FABC and President of CBCP in Khawmpi ahing kikhawm Asia gamkai mipi 900 mai ah thugenna neina ah Jesu atha in sui kia in gel tha kia vai chin tangkou hi.

Jesus tangthu genna ah Jesu pen akipat chillai in koima theilou mi ahia, Jesu in amasa in nuajui mi 2 akhawl leh ki hou mu ah, avanai ah athugente ana ngai masa hi. Jesu in thu ana ngai masa in tuajou in thu agen pan hi. 

Archbishop Poh hi President of the Catholic Bishops’ Conference of Malaysia zong ahia November 28 nia Penang khuo a Zinna Siengthou Khawmpi a athupi: “Asia gamkai mi hina toh zinkhawmna,” tungtang a athugenna ah Asia gamkai sunga tawndan tampi te leh pawlpi thu leh laa tungtang thute malam huna kinepna toh siemhoi ding thu agen hi.

Chapter of ‘Faith comes from Hearing Asia’ kichite saina nuai a two-day weekend session Kuching ah nanei ua, tuana zinmang Pu Arcbishop Simon Poh in thugenna a Oral Bible Translation pen Borneo leh Southeast Asia gamkai sunga indigenous mite’n phattuampi dan na gen ah, tuana Oral Bible translation thupitah a bawl ding poimaw thu na gen.

Ni nina (28 November 2025) Kinepna Lienpi toh Zinna Siengthou 2025 Malaysia gam a Penang khuopi ah Mass siengthou latna toh akipan a, tami mass siengthou latna ah mi 900 val gam 32 pan in atel hi. Mass siengthou pen Ballroom of the Light Hotel, Penang ah Charles Maung Cardinal Bo, S.D.B., Archbishop of Yangon, Myanmar mapuina toh lat ahi.

Diocese of Penang, City Parish a Deacon Paul Kang Gospel simna anei na toh Thuhoi Thpha ngai leh ngaituo nading mipi lungsim ahong hi.

Kinepna lienpi toh siengthou zinna ( The Pilgrimage of Hope) 2025 zani 27 November 2025 ni’n Penang khopi Malaysia ah thupitah in na kipantah ah,Asia gamkai ah gam 32 tah tel ua, tuasunga Cardinal 10, Siadaw 104, Siempu 155, Nganu siengthou 74, deacon 8,  Pasian nasem 422  leh Khawmpi vai enkawl ding volunteer 90 pang uhi. Tam khawmpi sim ah pei milip agawm in 900 tah pha hi.

Ahing tung ding November 27 to 30 sunga ‘’Kinepna lienpi toh zinna siengthou’’ chi thupi mang ah FABC saina nuai ah Asia gamkai sunga Katholik Pawlpi milian, milal, atul-tul sim in Penang khopi, Malaysia a khawmpi mang ding uhi.

Great Pilgrimage of Hope Kinepna Lienpi toh Zinna Siengthou kichi pawi man nading in Malaysia gam a Penang khuopi ah kiginna nasatah in a um hi. November 27 akipat 30, 2025 sungin Asia gamkai sunga Katholik pawlpi a lamkaite leh vaisaite ang kisutuo ding uhi. Tami vaiguol sungah Siedawte, siempute, Pasian nasemte leh lamkaite pawlpi sunga ahiozaw sem a kivaipuo thei nadingin bang chi bangin lampi tha isat thei diei chi’n kikup khawmna anei ding uhi.

Sahlam Cebu a Bogo khuopi 6.9-magnitude a haat zilkiling in aden jou ni sawm-leh-thum jou in October 13, 2025 ni’n zilkiling haat mama khat in zingmawng nai khat vel in khatvei toh ana deng kia hi.

Cebu Archbishop Alberto “Abet” Uy in social media tungtawn ah lai ana giel a, “Uleh naute ki enkawl hoi un tualeh thungen un”, achi hi.

Apeisa kum ni sunga Israel leh Hamas kikal a gal jieh in Israel leh Vatican Khuopi kikal ah zong kilungnopmawna tampi um. Tutan in Palestinete mi 64,000 nai ashita a, atamzaw numei leh naupangte ma ahi. Vatican in Israelte’n agalte uh atha dan uh pen, ganhing tha a atha uh ahi chi’n Cardinal Parolin in aphuonga, tam pen Israel kumpite’n azada uhi. Kouma leh kouma kihung kahi bou ua, koima ganta tha in ka that khasih uhi chi’n akilep uhi. Gal toh kisai vawtlou numei naupangte, amahaw leh amahaw kihung jouloute na tha lang kalsie uh, tuolthat nahi ua, itna beia na tha uh ahi chi’n Cardinal Parolin in agen a, Pu Pope Leo inzong ama thugen azop pieh hi.

Catholic School Lamka Board in Ni 3 to 5 October sung kikal Good Shepherd Parish, Lamka Munpi ah Catechism naupang 600 val Catholic School 8 zingtun in Jubilee Year, Pilgrim of Hope toh kitawn camp lawchintah in mang uhi.

Inuasie September ha ni 19 ni’n Catholic siempu Fr. Matthew Eya, parish priest of St. Charles Church, Eha-Ndiagu suh-suolam Nigeria a Enugu State ah migilou pawlkhat in ana that uhi.

Fides gendan in Topa Eya Nsukka County a Eha-Alumonah–Eha-Ndiagu lampia a umna parish zuon a ang kile na ah motorcycle a tou thau tawi mi ni in Topa Eya motaw keng akap keh pieh gel a, a khawlsah gel a tuazou in thau toh ngavei kap in ana that gel hi. Mitmu techy te gendan in tami hi mat ding asawmna ua atha kha uh ahisih a tha ding atup mawng mawng uh ahi chi agen uhi.  

Zani September 30 ni’n Philippine gam Cebu khopi a 6.9-mangnitude a hat zinling a, tuana tunitan mi 61 shi tualeh mi 147 in liamna tuah ahi dan National disaster agency ten tuni Oct0ber 1 ni’n phuang uhi.

The Society of the Divine Word (SVD) te’n Rome ah kum 150 achinna Jubilee lawpna ana nei ua lawchingtah in jo in ana umta hi.

The Indonesian Bishops’ Conference (Konferensi Waligereja Indonesia – KWI) in tutung agamsung buoina a genthei hamsatna thuohte kungah a daana thu aphuong hi.