Holy Land Media siamte'n Asia Digital Missionaries kom ah Mipite A Um-umna Muna Kimupi Din ngen.
Catholic digital missionary te'n, mipite le amau hinkhua mandan apat ua a patthah uh ngai ahi,thubagen khiat uh ahiloule na asep piah masang un, amaute ngaikhiat uh masat ngai ahi, chi'n Holy Land a media officer khat in gen hi.
Latin Patriarchate of Jerusalem a Diocese of Jerusalem min a Media Officer sem, Miral Atik in, September 11 a Quezon City a “First Asian Catholic Digital Missionary Assembly” huna “Understanding Asia Realities” mipi toukhawmna ah, mimal kimuh tuahna khu thupi mama ahi chi'n nahpitah in gen hi.
September 11–13 sung a khawmpi in Asia gamsung a mun tuamtuam a Catholic digital missionary-te, thugentu-te leh content siamte akaikhawm a, hattah a kiheng lamdang touzel digital tondan sung a hattuam nasepna ding tungtang agenkhawm uhi.
Mipi na asep ma un, mipite ngaihkhia a amau in bang sil atuah uh ahiai chih theikhiat hi poimawh ahi,” chi'n Atik in gen hi.
"Aman a genna ah, tam kipatdan (approach) pen Mun Siangthou (Holy Land) ah a poimoh diah a, tuana pat Jerusalem Diocese in Jordan, Palestine, Israel tehh Cyprus gam a Catholic mipi te nasem khawm uhi. Tam bial sungah ham, ngeina, leh khantouzia te kibang lou a, kihauna leh gentheina sutzawm zing ahi manin mun khat leh mun dang khat hinkhomdan dan te tampi kibang lou uhi."
"Malaam pang a tengte in West Bank a tengte leh Gaza a tengte sangin dinmun/tangthu kibanglou na chituam tuam atuah uhi" chi’n ama’n gen hi.
Atik adi'ahileh, tam kibat lounate'n agen khiat chu Hattuam thugentuten mipite adinmun uh theichian masang a thupua khat mei mei a vakal suan thei hilou ahi.
Tuasang in,ngaikhia masazaw uhenla, amaute'n bang atua uh e chi a zilsuah ua, tuazou chiang a tam thuchian te komkal a bangchi kithuakhompi ding e chi lampi suijo uleh.
"Amah in tam gamtatna toh Jesu nasepna ana kinaidan gen a, Jesu'n mite amau mimal a maituah in ahinkhua ua asil tuahte dungjui in na anasem hi."
"Amaute um um na mun uah akimu pi hi " Atik in chi hi.
Tam thugil/daan pen Catholic digital missionary te adia kijopmatna poimotah anei ua,aziah pen amau te’n post, video ahilouleh thupua khat zang in leitung gamgi leh ngeina gamgi chin a ngaikhia sangtamtah atun jou uhi.
Ahi'n alianhuap a digital tunna in anualam a kiselgu mipi te theisiam poimona akhin mang taunsih hi.
Atik a dingin, kithuzahkhomna pen kimutuahna a kipan ahi. A sung a thu umte pen mi tahtah te apat kipan khiat ding ahi, a siltuah te uleh ahinkhua uh siamtu ding thudoh aneite uleh alam et nate uapat.
Amah sepkhiat te in tam lungput asulang khia hi. Diocese of Jerusalem a ding media officer ahina toh, leitung buppi a ngaikhetute ading in Jordan, Palestine, Israel leh Cyprus kimvel a local hattuam te hikhua thangthu agial a, asiamtuah a multimedia sunga thu te asua khia hi.
Buaina umna gam te lah a nasep na in kihoukhomna nemtah apiangsah hi. Atik in agen a, hattuam thugentute in mipi thuahna te leh akimvel ua thudih umte atheipih u ngai a, Catholic kihoukhomna khu political mei mei dia phallou ding ahi.
Ama'n agen a, Thupha (The Gospel)khu akiphuanna mipite hinkhua apat khen thei ahi sih a, tualemah in kihoukhomna/kithujah tuahna khu hattuam siltup( mission) toh phungvuh ding ahi.
Atik siljilkhiat te in sepsuahthei thugil angpia hi: mipite aumna ua kimupi un Hattuam umna mun juandia na hat masang in.
Digital nasepnate in hattuam kehletna apunsah thei a, ahinlah umzia neitah Pasian nasepna in mimal leh khotaang dinmun dihtah ngaikhohna apoimo nalai hi.
Atopna ah, Atik's thugen pen digital sungthu ahoijo puakhiat chou ahisi hi. Atuppi pen in ngaikhiat masat nalam ah, mipi theisiam nalam leh ahinkhua ua atah atua te un hattuam tetoh umkhomsiamna leh kikumkhom dante a khantousah ding joh ahi.
