Digital toh kisai sem ding tampi in nang nga uhi chin Pu Bishop Marcelino Antonio Junie President- FABC-OSC in Asian Digital Misssionaries Assembly a kikhawmte kunga gen hi

Radio Veritas Asia leh Federation of Asia Bishop Conferences saina nuai a Asia gamkai a um ngailou leh ki bawl ngailou first Asian Catholic Digital Missionaries Assembly Manila khuopi September 10-13 tan daiding in na mang ua, tuana Asia gamkai ah Social Media siemna nei leh lunglutna nei mi 100 tah vah kihal uhi.

Tampi Khawmpi ah dingin munchin, gamchin pan communication lang siemna neite’n thu hoi tampi vahil uh a, Khawmpi adingin  , ‘’inflluencers to Witnesses: Synodal Way for Digital Mission.’’ Chi thupi jang uhi.

Tamhun resource person lah khat Bishop Marcelino Antonio Junie President FABC-OSC in thugenna neina ah content siem ten ama minthanna ding leh like, views leh follower’s tam ding lunggul masapi lou in, Pasian thupha mite mu ding leh mite’n theisiemna nei dingdan ngaituoh puma sil bawl ding tualeh Content siemten jong mipite thugente ngaipi siem in, Pasian lang puihoina ding in panlah vai chin hanthawn hi.

Asia gam ahileh hattuam tamna, ham tuamtuam tamna, tawndawn tuamtuam ngen ahia tuate theisiem in content siem vai len mipite Pasian langa puisiem vai chin gen hi. Tualeh jong Asia gamkai chi-le-nam, ham leh pau, tawndawn tuam tampi um hina toh Asia a digital ah sem ding tampi um ah, tuami ten noute asem dingin nang nga zing uhi chin gen hi.

‘’Influencers maimai hilou in Mite puisiem in Pasian thupha hilsiem dingin mapang vai chin’’ Pu Bishop in Asian Catholic Digital Missionaries Assembly kikhawmte kunga ngetna bawl hi. Tuabana genbena ah ‘’ Asia a Digital pen minthang khat toh ki dem ding hilou in, I Pawlpi tasanna leh ipawlpi thuhoi thuphate mite kunga hilsiem in pang vai’’ chin chiel sawnsawn.