Catholic Digital Missionaries ten Holy Detachment thupi jangin toukhawm kikupna Sept 11, 2026 ni’n nanei ua, tuana ei mimal thupina ding sangin mite dingin bang chi nasem lei hoi diei chin kikupna tangpi nei uhi.
Tamhun in Asian Digital Missionaries Assembly ah hing tel mi 100 khu group 3 in kisuo ua, tuana thu-le-laa te ataah sem dingdan na kikup hi. Tuana leitung a Digital toh kisai thupiengte na kaikhawm un, ahoi leh hoilounate na kikup uhi.
Akhatna group pen Edwind Lopez Phillipines, first layperson, Executive Secretary of CBCP, Social Communication in makai in thupi in ‘’Influencer Priest’’ jangin thu tuamtuam tampi na kikup uhi.
Anina group ten thupi ‘’From I to them’’ chi mang ua, tuana Michael Unland, Germany, Director CAMEO in mapui in Africa Digital Influencer te mangin amaute apat jil khiet dingte na hil hi.
Tualeh Athumna group in AI should make us more human chi jangin AI Priest chi thu-le-laa toh kisai tuamtuam piengte kikupna nei ua, tuate pan theikhiet dingte chiemte uhi. Tamhun ah dingin Fr. Richard Vincent in mapui in, AI, Technology leh social media kijahdan chite tampi na ki hil sawnsawn uhi.
Tualeh group ah kikhen ten thupi tuamtuam janga kikupnate uh amantah chiengin alamkai chiet un, maido tunga hilchietna nei ua, tuana mipi jousie thei dingin phuong uhi. Tam kikupna pan in kikhawm ten Digital Missionaries ah ipang leh bang bawl ding , bawl lou ding chite thei chietna dinga ki bawl ahia, amaute’n mailam hun a phattuompi mama ding uhi.
