Pasian thupha Asia gamkai ah phuongza vai: Archbishop Garcera in Asian Digital Missionaries Assembly, Manila a gen.

Pu Archbishop Garcera in Asian Digital Missionaries Assembly ni nih nia Latna siengthou aneina ah, Catholic Digital Missionaries ten Pasian thupha Asia gamkai ah social media pansan phuangza vai, mipi thugen ngai vai, minam tuamtuamte tawndan zatat vai in thudih, thutah toh itasan uh talat vai chin gen hi.

Pu Archbishop Garcera in Apeisa kum 1986 in RVA ah kum 7 sung vingveng nasem ngaidan gen in, RVA pen Radio shortwave toh na kipan hia, tun technology khantou dungjui in Video, Livestream, AI leh limte ah kisiem in thupha kia tangkou  tama nanleh jong  Pasian thupha  leh thuhoi thupha Asia gamkai ah tangkou pen kikhel tuam sih ding hi chin gen hi.

Tu in Pasian lim leh mel limte jang in Pasian thupha Gospel ki tangkou tah a, nidanglai i aw neisun toh kipeng in ki tangkou toh kikhie mama hi. Tuajiehin Peng ngaitalou, mipi aw suo ngai a, amaute dei theikawm in amaute toh Pasian thupha tangkou thei hitah hi chin gen sawnsawn hi.

Content creator ten hoitah in video hoi, limhoi nounou nang bawl ding ua, thusie lahsie leh misawlna leh jeoulomte chite bawl lou dingin hanthawn in, Sil khat na khan masang in, adihna sui masa ding, theichien masa ding leh hoitah in ngai phot masang tua jou chieng sil pen khang pan dingin chin Pu Archbishop in chiel hi.

Thu na gen masang hoitah in ngai masa ding, mipite na sim mo masangin athu theisiem masa ding poima dan gen in, koipou Digital ah lunglutna neiten Pasian thupha na tangkou zing ding khu manghil lou in sem ding chin Pu Archbishop in Asian Digital missionaries Assembly ah hing kalsuante kunga theisahna nei hi.