Apeisa September 28 to 30 sungin ‘Religious and Diplomacy’ kichi conference kineina, Cardinal Koch in thugenna ah, kilemna Christian pawlpite’n a Pawlpi biehinn chiet ah nei inlen, khotang leh gamsunga kilemna puolut masa hen chi hi.
Christian pawlpite’n biehinn chiet ah kilemna thu tangkou in nei masa henlen Ecumenism toh kisai in sakhuo khat leh khat kihoukhawm leh kilemna tuate mun ah um jing ding ahi chin Koch in gen hi.
‘’Democracy umna gam ah majority in vaihawmlou in, dan toh kituoh in thudih leh thutah in vai kihawm leh agam ah kilemna um ding hi chin angaidan gen a, tuabana politic leh diplomacy in lemna thua sat theilou chiengin Christian Pawlpi injong kilemna um theina dingin panlah chiet dingdan’’ Cardinal Koch in hoi asa thugen hi.
Ki theisiemlouna, kibahlouna leitunga a hing um chiengin gal apieng nuam ah, tuachiengin Christian Pawlpi’n a biehinn sunga kilemna ding thu tangkou ding poimaw ahi chin Cardinal Koch gen hi.
‘’Christian Pawlpi in khotang leh nam kal ah kilemna leh muonna um theina dingin panmun lienpi nei ah tuajiehin Ecumenism toh kisai in thu-le-laa tangkou jing thei leh kilungtuohna leh ki siemnate namkal a um ding ahi’’ chin Cardinal in gen sawnsawn hi.
