Asian Digital Missionaries te'n pankhomdi lunggulh, Manila a First Assembly apat jil khia uh

Catholic digital missionaries te leh Asia gambuppi sung muntuam tuam apat communicators te Asian Catholic Digital Missionary Assembly, September 10-13 a pang ding in Radio Veritas Asia, Fairview Park, Quezon city mun ah kisukhom uhi.

Tam khompi in "Influencers to Witnesses :Synodal Way for Digital Mission in Asia" Chi thupi jang hi. Tualeh Catholic digital communicators te social media influence khel lam ah mason ding leh digital huang sjng a ginna lam a theipitu dihtah hiding in hatna abol hi.

Khompi a pang te lah a Fr. Ritchie Vincent, Archdiocese of Madras leh Mylapore, India in agenna ah assembly a alunglutna apun semsem pen Vatican mun a International digital missionary kisukhomna  apat a asiltua te apat ahi chi hi.

Ama'n agenna ah, Manila assembly in Asian digital missionaries te kimukhomna, pangkhomna leh khat-le-khat apat kijiltua thei nadia hunlemtang aguan hi chi hi.

Gie Rhea Jadulco, Phillipines ading in tam assembly pen social media leh social communication Asia gam dangte a kijat dan jilkhiatna in aphatuam hi.

Huchikomkal lah a, Mika Ellah L. Tabada, Phillipines mi numei khat in alom digital missionaries Asia gam tuam2 apat ate toh akimutuah uah akikupkhom dikal alam etdan gen hi.

"Asian mi hichiat leijong, ngeina tuam chiat inei ua, pantheina tuam chiat inei ua, chiindan jong tu chiat inei uhi, " Achi hi.

Khompi pangteng kikumkhomna, session siamtupna leh digital evangelization lam a ngaidan getkhomna lam a pan lachiat dinga lam et ahi.