North East India a Diocese of Tura sunga sanginn 60 a naupang 5,000 vel in October 7, Our Lady of the Rosary Pawi ni’n leitung pum huop a “Naupang million khat Khigui sutna” panlah na ah atel ua, lemna leh kidouna leh thagum suona jieh a gentheina thuoh naupangte ading in Khigui asut uhi.
Apeisa September 28 to 30 sungin ‘Religious and Diplomacy’ kichi conference kineina, Cardinal Koch in thugenna ah, kilemna Christian pawlpite’n a Pawlpi biehinn chiet ah nei inlen, khotang leh gamsunga kilemna puolut masa hen chi hi.
Marian Apparition kichi Nu Mary kilatna lim, vante leh tanchinte Saint Carlos Acutis te saina in Holy Cross Thu Thiem mun ah mipi et thei ding leh mu thei dingin na koi ua, tamna lim leh vante pen Nu Mary kilatna toh kisai hia, leitunga Nu Mary ana kilatna toh kisai jousie lim leh vante et dinga kikoi ahi.
Bishop Marcelino Antonio “Junie” Maralit Jr. in Radio Veritas Asia (RVA) language-service coordinator te Oct. 6 nia Silang, Cavite a Sisters of Mary, Girlstown campus a ni lang sung retreat neina ah iitna, kipumkhatna leh missionary vision kihawmtuo khu communication ministry a poimaw pen ahina leh nei dinga poimaw pen ahi thu agen hi.
Catholoic media in content meimei bol nalam khel ah ma ason a mipiten angai thei ua, a hinkhua thu te uh genkhom thei a ginna a akhang khom thei nading ua atah2 digital kipolkhomna lamna lam akhosah diu ahi chi'n Fr. Felmar Castrodes Fiel, SVD, General Manager of Radio Veritas Asia (RVA) in gen hi.
Cardinal Filipe Neri Ferrao, president of the Federation of Asian Bishops' Conferences (FABC) in Catholic digital missionaries te kung ah Jesu Christ iitna khu digital gam a hingpolut a online platforms tekhu minthanna ding chou hilou a kipumkhatna umthei nadi joh a jangding in ngetna bolhi.
Catholic Digital Missionaries ten Holy Detachment thupi jangin toukhawm kikupna Sept 11, 2026 ni’n nanei ua, tuana ei mimal thupina ding sangin mite dingin bang chi nasem lei hoi diei chin kikupna tangpi nei uhi.
Catholic digital missionaries te leh Asia gambuppi sung muntuam tuam apat communicators te Asian Catholic Digital Missionary Assembly, September 10-13 a pang ding in Radio Veritas Asia, Fairview Park, Quezon city mun ah kisukhom uhi.
Filipino communication expert leh filmmaker Pie Mabanta Fenomeno in hichin gen, social media khu Gospel kikumkhom nadi'a lampi atopna a janglou a thutah a mihing khat kimaituahpi na di'a kotbul ahi ngai ahi.
Catholic digital missionary te'n, mipite le amau hinkhua mandan apat ua a patthah uh ngai ahi,thubagen khiat uh ahiloule na asep piah masang un, amaute ngaikhiat uh masat ngai ahi, chi'n Holy Land a media officer khat in gen hi.
World Youth Day (WYD) Seoul 2027 vaisaite leh lamkaite’n Asian digital missionary-te kungah South Korea-a hingzin theilou ding khangnou tamtahte kungah tami kikhawpina vaiguon in athu hah nuomte tungsah dingin ngetna anei hi.
Tulaia dingin meihui tongsan zanga Pasian na isep dinguh poimawta mama, ajieh pen leitung hi kinaw tah a tawntou jel ahia, khuohui banga kikhel tentun leh sil bangkim tel siemna hun zong ahita a, meihui tongsan hi kipatsahna mun leh muol hing suohta chi'n Archbishop Alarcon in agen gige hi.
Digital Mission pen Online content maimai siemnna in jangsih vai, kipawlkhawm leh pangkhawm in tasah leh hagau khantouna dingin jong jangvai chin Dr. Natasa Govekar, Director of the Theological-Pastoral Department of Vaticant Dicastery for Communication in RVA thudohna ah dong hi.
Digital Missionaries Assembly ah speaker apang Vatican official Dr. Natasa Govekar in hing kikhawmte kunga social media Online ah minthanna leh follower buaipi masalou in, Pawlpi ding jaw in adieh in communion leh Pawlpi tasanna pah phuangza in pahtawi vai chin gen hi.
Radio Veritas Asia leh Federation of Asia Bishop Conferences saina nuai a Asia gamkai a um ngailou leh ki bawl ngailou first Asian Catholic Digital Missionaries Assembly Manila khuopi September 10-13 tan daiding in na mang ua, tuana Asia gamkai ah Social Media siemna nei leh lunglutna nei mi 100 tah vah kihal uhi.
Pu Archbishop Garcera in Asian Digital Missionaries Asseembly ni nih nia Latna siengthou aneina ah, Catholic Digital Missionaries ten Pasian thupha Asia gamkai ah social media pansan phuangza vai, mipi thugen ngai vai, minam tuamtuamte tawndan zatat vai in thudih, thutah toh itasan uh talat vai chin gen hi.
"Meihui Tongsan (digital) toh kithuo a mi thuzaw joute (influencers) in Pasian thu agen chiengun Khrist kawh uh heh" chi in Topa Felmar Fiel, SVD in First Asian Catholic Digital Missionary Assembly ah agen hi.
Catholic Khangthate’n minthanna leh followers tamding dei man in na hina tatah digital ah va talang sin chin South Korea pan Asian Catholic Digital Missionary ah vatel dinga kalsuan khat in gen hi.
Fr. John Mi Shen, FABC-OSC, Executive Secretary leh RVA Program Director in Asian Digital Missionary Assembly kipat masangin Digital content hilchienna neu khat nei in hichin gen hi ‘’eima minthang na dingin content nal leh etnuamte siem hijawlou in, i content siemte’n Pasian min tawisang leh mipi Pasian toh kinaisah tuh hijaw vai.’’ Chin gen hi.
