#Asianews

Ngaina in siempu khat kichi khu taumai a ding diing mawng ahi. Hitama lezong, Topa Khalil Maqsood in thutah asui nuom jieh in taumai leh a siempu dinmun akansan a, thudih thuman sui kipanta. Suolam Pakistan a Faisalabad Diocese a tote khat ahia, Samundri gamkaia St.Mary’s Catholic Church a topapi (parish priest) a pang ahi.

April 12 a Misiengthou thum Chapel thupha piehna leh honna Hepina Siengthou Nipi ni’n ana kinei a, Quezon khuopi Philippines ah thanksgiving Mass siengthou a tel dingin mi 200 val ang kikhawm hi.

Malaysia gam a Petaling Jaya khopi a St. Ignatius biehinn meeting room ah cancer natna neite’n mitampi’n atheilou atangthu te uh asut zel uhi.

Tami Parish hi Archdiocese of Kuala Lumpur neia um ahi.

Mi 40 vel kipawlkhawmna ahia, atamjo hi cancer natna toh dam nalai leh damlam manaw te ahi ua, tami kipawlkhawmna hi apeisa kum sawm masanga nakipan ahia Family Life Ministry of St Ignatius Church neia kipawlkhawmna khat ahi.

Archdiocese of Lahore, Pakistan a Archbishop Benny Mario Travis in Kitenna Pawi biehinn huong sunga kiman chienga lim kikapte adingin biehinn leh Kitenna Siengthouna venna dingin dan khautah asiem hi.

Tami hi tulai khang a lim kikap chienga umdante biehinn leh sacrament siengthou toh kilawm lou a umjieh ahi. March 10,2026 nia a lai giel na ah Pu Archbishop in siempute, Pasian nasemte tualeh archdiocese sunga pawlpi mite kungah Biehinn siengthouna zatat dingin agen hi.

Philippines Gam a Cardinal Pablo Virgilio David in agam ua Katholik Pawlpi mite kungah kumpi gitnat lou jieh kiphinna ah pang un chi'n hanthawnna apie hi. Mitmu ngei in kumpi adusahsih ua, juouthu toh vaihawm tamtah aum a, mipite'n kumpi tahsanlana anei uhi. Tutung kiphinna pen apeisa September 21 nia kibawl kizom kia ahi. Tam ni'n Trilion Peso March kichi na kineia, mi asangsangin kiphinna bawl in ahing kuon uhi.

Ahing tung ding November 27 to 30 sunga ‘’Kinepna lienpi toh zinna siengthou’’ chi thupi mang ah FABC saina nuai ah Asia gamkai sunga Katholik Pawlpi milian, milal, atul-tul sim in Penang khopi, Malaysia a khawmpi mang ding uhi.

Sahlam Cebu a Bogo khuopi 6.9-magnitude a haat zilkiling in aden jou ni sawm-leh-thum jou in October 13, 2025 ni’n zilkiling haat mama khat in zingmawng nai khat vel in khatvei toh ana deng kia hi.

Cebu Archbishop Alberto “Abet” Uy in social media tungtawn ah lai ana giel a, “Uleh naute ki enkawl hoi un tualeh thungen un”, achi hi.

The Indonesian Bishops’ Conference (Konferensi Waligereja Indonesia – KWI) in tutung agamsung buoina a genthei hamsatna thuohte kungah a daana thu aphuong hi.