Philippines Gam a Communications (kikawmna) toh kisaia a toumun luopa (chairman) in tulaia dingin meihui tongsan khu kipatsahna mun leh muol hing suohta achi hi

Tulaia dingin meihui tongsan zanga Pasian na isep dinguh poimawta mama, ajieh pen leitung hi kinaw tah a tawntou jel ahia, khuohui banga kikhel tentun leh sil bangkim tel siemna hun zong ahita a, meihui tongsan hi kipatsahna mun leh muol hing suohta chi'n Archbishop Alarcon in agen gige hi.

Tam thu ahileh Quezon Khuopi a Pope John Paul II Auditorium a agen ahia, September 12, First Asian Digital Missionary Assembly a, ani ni nia ana gen ahia. Ama hi Catholic Bishops Conference of the Philippines a Social Communications a lutanga zong pang ahia, hichia kikhel pelpol leitung hi akikhel ding mawng ahia, ngaina dan a igamtanate uh pen leitung tawndan tha in ahing suh kalau mawng ding ahi achi.

Ikipatsahna uh ahileh tuipi tuita leh hui ahi nawnsih a meihui tongsan ahita hi chilei chikhielsih vai achia, "Tam mun leh muol ah iumta uhi" achi hi.

Meihui tongsan khu pawlpi dingin nasepna mun ahita a, itenpi ding leh izawpi ding khat ahita hi. Tam mun tha ah akoi mapou in thu leh la akim theia, kikawmna'n aki neia, thu leh la kanna'n akineia, mun leh muol tha ahing suohta hi achi hi.

Leitung khuohei dan pen akikhel zing ma ahia leitung tangthu en lei kum zabi sawm leh guh (16 century) lai in leitung tawndan leh ham dan ana kikhel mama a, hichi'n leitung imu dam uh ahing kikhel lamdang jel hi chi'n zong Archbishop Alarcon in agen hi.

"Tua khu leitung ahoi lam a sawpawina khat ahing suoh a leitung zong ahing kikhel pai ngal hi" achi hi.

Tu'n Pasian nasep nadinga kipatsahna mun leh muol hing suohta a nuom lei da lei meihui tongsan zong izah dinguh ngai chi'n agen kia hi.

Ikipatsahna uh ahileh tuipi tuita leh hui ahi nawnsih a meihui tongsan ahita hi chilei chikhielsih vai achia, "Tam mun leh muol ah iumta uhi" achi hi.

Meihui tongsan khu pawlpi dingin nasepna mun ahita a, itenpi ding leh izawpi ding khat ahita hi. Tam mun tha ah akoi mapou in thu leh la akim theia, kikawmna'n aki neia, thu leh la kanna'n akineia, mun leh muol tha ahing suohta hi achi hi.

Archbishop Alarcon in hichi'n agen kia a, leitung gautang khantouna (technological development) in ikhuohei dan leh mihing kikawmna tualeh dam leh butna tungah tha neia mama a, zaihuoina zong atut hi adieh in siemthu pilna (artificial intelligence) zahna ah

Tuajieh in siemthu pilna in kinuoisiesahsih vai chi'n hantawhna apie hi. "Tu-le-tu in ipil isiemnate uh izang sam ua, ahivangin  siemthu pilna nei ah um tuonsih va ui" achi hi.

Ama'n ngaituo tha khat ahing puodoh a, "critical feeling" nei vai achi hi. Akhietna ahileh imu izah khat in ilunguh heisah paisih vai in bangma jousie ah dihtah in thu tan vai in lungngaina chiimsah vai china ahi.

Agentena in meihui tongsan pan a ingai izah thu khat in ei lungthahsah theia, ei zausah a, patatna khat imawh pieh ua azong ei nuisah thei hi. Lungngai siem kisam mama tualeh ilunguh hei tavai lou ding zong ngai. Ei Khristien pawlpite'n meihui yongsan izahna u'ah mi nuikhopna leh chizatna khom maimaia izah lou dinguh ahi. Tuatangin thudih thuman khaang zaw vai in mihing khuotuo theina leh mihing kikawmtuo theinate tut zaw vai achi hi. Athupi pen ahileh techi a pan ding apoimaw pen hi.

Tam toukhawmna a thupi ahileh Nasepte Simmun 4 a pat a kila ahi: "Alou thei loua ka phuon uh angai hi." Tam Laisiengthou tangin Peter leh John in Jesu athoukiata hi chia aphuon uh akawh gige hi. Tam thu gen nawnsih un chia akigalgih jou ua aphuon uh ahi. Amani na pui leh tha na pie Hagau in tulai tulai Pasian nasemte pui zing hen chi'n Archbishop Alarcon in agen kia hi.

Ahinlah meihui tongsan zanga Pasian thu phuongte'n mi thuzawna khop a aphuon maimai dinguh ahiaih a, mipi huoi theina khop a aphuon dinguh ahizaw hi chi'n agen hi.

"Tulaia ei kichielna ahileh mi thuzaw thawna beh in thu leh la khaangsih unlen mipi bang chibangin ihuoikhawm thei diei chi'n thu leh la khaang zaw vai" chi'n ahing toukhawmte achiel hi.

Khrist min a na isep dinguh ahia, meihui tongsan zong izah dinguh ahi. Khrist min leh pawlpi min a Pasian na isep mieuol dinguh ahia eima mimal na in semsih va ui.

Itup idawi uh ahileh Khrist ilah ua iumsah dingun meihui tongsan toh igeina chin ua amin ipom dinguh tup leh dawi lien pen in mu ing achi hi.

"Ama khangtou henlen kei kiem zaw va ing" chia Tuisawp John in agen khu, kingiemkhiet tah in Pasian nasem dingin kuon vai chia chielna thupi khat ahi.

"Kinepna ei pie Jesu ahia ama'n ei it jieh in hundamna itang uhi tualeh thu leh la tamtah ikhaan sangun Jesu i-itna tungtuongsah zaw vai chi'n hing hanthawn ung" chi'n Archbishop Alarcon in agen hi.

Asia Gamkaipi sunga Katholik Digital Missionaryte'n digital sphere (meihui tongsan kipatsahna mun leh muol) a nasem khat maimai hisih vai in, pawlpi in Khrist amuna uh mun leh muol in heng zaw vai. Tuaban ah thudih thuman itunsah nadinguh hanchiem vai in hichia leitung kikhel mielmuol zawpi zaw vai chi'n athugen akhumta hi.