South Korea communicator minthang khat in High-Tech,High-Touch pan Pasian thu tangkouna um tah chin gen.
High-Tech, High-Touch ahoina leh sietna tampi um nanleh jong ajahsiem ah pang poulei Pasian thu tangkou thei ahitah chin Asian Digital Missionaries Assembly ah hing kikhawmte kunga South Korea Media leh Scholar Dr. Anna Jihyun in gen a, tualeh Asia agamkai umdan theisiem kom in media lama jong eiten sem lei ahoina tampi um ding leh sepding tampi um ahi chin gen sawnsawn hi.
Dr. Anna in South Korea ah jong technology lam nasatah in khantou ah, social media leh internet 94% mipiten jang ua, tualeh jong AI jong napitah in kijangtah hichin gen, ahinlah bieh inn khai mitom deudeu ahi chin gen a, tualeh thu-le-laa amathu a ki translate, lim leh limpia amauthu in AI pan ki bawl tamale jong deibang tah sil piengsa jou sih hi chin gen hi. Tuajiehin Social media , AI leh internet jahdan siemlou leh Pawlpi tasanna kiem sahthei ahi chin gen kom in mipite jong ajahdan siem ding hing pilvang dingin ngetna bawl hi.
Tulai phone mitampi in ki houna leh ki thujahna ding maimai in jang nonsih a, shopping bawlna, thu leh laa kikupna leh sil dangdang poimawte dingin jang tah ua ahin phone ijah chiengin pilvang ding adiehin khangthate hing pilvang deu dingin chielna bawl hi. Hoina Sangin sietna tampi jong umtah ahi chin gen banah technology thatha hing um dingte ajong pilvang na lahchiet dingin ngen hi.
Catholic ten Pasian thu tangkouna ah High-Tech leh High-Touch ajah chiengun hoitah ahing jang dingin mihing pilna Susie salou ding, tualeh tasah mama a thu leh laa gen na jong Susie salou ding tualeh ajahna ding kilom mun ah pilvang tah ah ajah ding deisa thu gen hi.
Dr. Anna in gentawpna ah technology jong Pawlpi in na jahtah mama hi jiehin tuate in mihingte subuai sih vai, Christian sunga kikhenna sangin ki-itna thu tangkou vai in mite thuhoi thupha jasah zing vai chin vaiha hi.
