Digital Mission ah ki pawlkhawm leh pangkhawm poimaw ahi chin Vatican Communication Official khat in gen.
Digital Mission pen Online content maimai siemnna in jangsih vai, kipawlkhawm leh pangkhawm in tasah leh hagau khantouna dingin jong jangvai chin Dr. Natasa Govekar, Director of the Theological-Pastoral Department of Vaticant Dicastery for Communication in RVA thudohna ah dong hi.
Thudoh dawnna kia a hichin gen hi, " mitampi Social media addict mama a, tuaten koima toh kipawllou in khattang hinkhuo mang ua, tasah leh hagau adingin jauhuai mama ahi jiehin Pawlpi in jong Digital Mission a tamte suveng ding in panlah ngaitah ahi" chin gen hi.
‘’Social media sunga jauhuai leh silgimnei tampi um in tasah leh hagau subuai thei tampi umtah ahi jiehin Pawlpi injong pangkhawm in digital langa jong nasem dingin panlah ngai.’’ chin Dr. Natasa in RVA thudohna gen hi. Social media a jauhuai leh silgimnei umte Pawlpi in mo et-ding ahisih a,tuate’n christian sung jong napitah a subuai thei ahi jiehin digital mission a pangkhawm leh kipawlkhawm in panlah chiet ding ahi chin gen sawnsawn hi.
Dr. Natasa ahileh Dicastery for communication, Vatican thakhel ah tutung Asian Catholic Digital Missionaries Assembly ahing pang a, speaker in jong apang nalai a, tuana mi 100 kikhawmte thu-le- laa manpha tampi hilna nei hi.
Tam Asian Catholic Digital Missionaries Assembly a, ‘’Influencers to Witnesses: Synodal way for Digital Mission in Asia.’’ chi thupi jang in khawmpi ni 3 sung dai, RVA HQ ,Manila khopi a RVA leh FABC-OSC saina nuai a nei in na um hi.
