Catholic khangnoute Saint Carlos Acutis kipawlna ten Marian Apparition te Chi Minh City a mipi et thei ding in koi uh.
Marian Apparition kichi Nu Mary kilatna lim, vante leh tanchinte Saint Carlos Acutis te saina in Holy Cross Thu Thiem mun ah mipi et thei ding leh mu thei dingin na koi ua, tamna lim leh vante pen Nu Mary kilatna toh kisai hia, leitunga Nu Mary ana kilatna toh kisai jousie lim leh vante et dinga kikoi ahi.
Tamhun pen Oct 3 to Oct 13 Tan ki mang ding ahia, tuahuna ente in jong thungetna leh lungsim khongaina jong nei thei ding uhi. Tam hunsung jong Catholicte dingin Rosary haa jong ahi.
Tam Vaiguan pen Friend of Saint Carlos Acutis Saigon leh Lover of the Holy Cross, Thu Thiem te saina nuai ah ki bawl ahia, Nu Mary kilatnate toh kisai limte, vante leh tanchinte ajat tuamtuam 154 tah vaya kikoi a, Vietnam ham in laiteng te kigiel hi.
Tamsunga van kikoi lah minthang ahileh Our Lady of La vang, khu Vietnam ah minthang mama khat ahia mu thei in um ah, tualeh jong ‘Tilma of Our Lady of Guadalupe’, kichi 1531 kum ah Nu Mary Saint Juan Diego , Maxico mi kunga kilatna lim ahia, leitunga minthang mama jong kikoi ah. Tualeh jong Nu Mary toh kisai kilatna lim leh van tuamtuam tampi jong leitunga mu ntuamtuam ah kilah in mipite et thei dingin kikoi hi.
Tamhun ni 10 jang ding ua, tuana Carlos Acutis Cannonization ki bawl jou kum 1 chin ni in kikha dinga, tamhun in mipite Pasian langa kipie doh semsem leh thungetna langa kukal hen chi ngaituohna toh kisai ahi.
