Cardinal Tagle: Synodal hattuom ichi in lungkituoh tah a kalsuon khom masang in naupang bang in a pei thei masa ngai ahi.

Achileh Hattuom khat kalsuon khawm ichi bang chi bang chi dan adiei leh? Chi in Cardinal Luis Antonio Tagle in dawtna abawl a, tuachin ama’n agen na tami dawngna ding pen hattuom documents ahilou leh pasian nasepna panlahna te a aumsih a hinanleh naupang vah thei panpan te apat mukhiet thei in a um hi, achi hi.

Spiritual conference leh thumkhawmna ni masa ni pen ding in leh A 12veina Plenary Assembly of the Federation of Asian Bishops' Conferences (FABC)  July, 22 ni in Cardinal Tagle in bishop leh lamkai tuomtuom hing kalsuon khomte kung ah hattuom lungkhat a kalsuon khawm thei nading a panlah na teh ahoideu a lunggel tha chiet ding in ahanthawn hi. 

Jakarta gam ah Hotel Mulia ah mipi hing kalsuon khawm te kungah “lungkhat a kalsuon khawm” ding chi thu igenta ua, hinanleh “lungkhat a kalsuon khawm” dingdan i simkha ta uoimah ? chi in dawtna lien pi abawl hi. Tami dawtna in mipi peikhawm te lunggel tampi apieng khe sah mahmah hi.

Naupang khat ahing khangkhiet dan te en in, Cardinal Tangle in naupang khat pen thakhat in a peithei pai sih ah zong panlah lou in a um vawt sih hi achi ah, hinanleh amasa pen in naungeh pen ang tawn masa a, tuaban a hing atha te hing hat in awlawl in kal hing suan in hing ki muong deudeu hi. Tuami ahithei nading in akim akieng te ahoi masat ngai ah tuahleh ki muong ta apei thei nading in anu apa te’n akhut a tuh in panpi uhi achi hi.

Naupang khat vah thei nading in siemna, thahatna, leh muonna apoimo pen hi achi hi.

Tuachi mabangin tuni ah hing kalsuon te zousie zong tambang ah siemna te, thahatna te leh ki muonna te ihinkhuo leh I hattuom a zang chiet ding in ahanthawn hi.

‘Synodality’ ichi lung kituoh ah kalsuon khawm china ahileh, hagau lam a hattuom te’n bang thahat na i poimawh uoi ? I hinkhuo a bang chibang Kituohna te, ki gingtat tuohna te, hatna te, ki panpi tuo nateh I hattuom in apoimo ei? Tualeh tam teh bawl ngamlou ding a bang launa in ang tuom ahiei ? chi’n dotna abawl hi.

Tami dotna te’n assembly kibawlna tungtang a Asian gamsung a thu ngaikhiet siem, kipawlna siem leh nam khat leh khat kikal a kitheisiem tuoh ding ahi cia a tangkou pihte toh kizaitawn mahmah hi.

Tami lung kituoh a kalsuon khawm ding agen na pen in ama hinkhuo asuh kha mahmah hi.

Aziehpen apa pen alungsim hat mahmah nanleh avah thei nawnsih ah, tuahleh anu pen vah thei nanleh panpi na ngai gige mi ahia, tam te amu chieng in silkhat poupou akikhel dungzui in ihinkhuo uh jong vuoi lam amanoh jel hi achi hi.

Achileh avah theilou khat toh bang na chi vah uoi ? chin dotna abawl hi.

 Hou deu in adawng ah.

Ama toh um khawm mai ulechin achi hi.

Akhut tham inlen a bil kawm a houpi lechin tuachin ama angen a umlou ahidan ang kithei mai ding hi achi hi.

Tami lim te’n synodality kichi thuteh asuhkha mahmah hi achi ah. Tualeh agen behlap na ah kalsuonkhawm ichi pen mikhat toh kalsuon kibang sese ding hisih ah, hinanleh apei joulou te gei a va um pen khu ahijo hi achi hi. Aziehpen apei zoulou te nusie ahita ah ama ule ama uh kalsuon zo nawnlou ahita uhi. Achi hi.

Hattuom khat kalsuon khawm ding pen alawching tahi chi iki pat khiet dan leh i panlah dan in aki the thei sih ding ah, hinanleh khotang sung leh hattuom sung te ah zainemna, kithu tuohna leh ki ittna te tungtawn in akiteh thei zaw ding hi chi’n agen hi.

Tualeh i khotang sung ua melma lien penpen khat ahileh mipi tampi tah te mobile phone in hiplut bei in agei lah uah siltung te nasan theikha nawnlou a akhosa pen uhkhu eite a ding a challenge lian mama khat ahia.

Tambang mite pen in i siltup uh kalsuon khawm ding ichi pen uhtoh hing ki kal mahmah in tuziehin ei gingtute’n pan nasatah a la in midang te hahsatna ngai khie in midang te toh joh khawm dan siemva ui chi’n hanthawn hi.

Tuachin Cardinal Tangle lamkai hing kalsuon khawm te’n sip dingdeng a thu angai lai un ama’n tami athugen na a dawngna lampang hijo lou in mipi te dohtna toh Hattuom te lungkhat a kalsuon masang a kingai ngiemna, ki muongna leh khat leh khat kipanpi tuoh chiet ding in hantthawn in athugen zou hi