I mohpua na uhkhu asia leh apha khentel ding khu ahi,' Chin FABC Synodality Official in AI tungtang a gen hi.
Artificial intelligence tungtawn apat a asie leh apha khen tel theina khu challeg lien penpen khat ahi chin Fr Clarence Devadas, Associate Secretary General of the Federation of Asian Bishop's Conference FABC and executive secretary of its office for Synodality in closing press conference, FABC 12th Plenary Assembly mun a gen hi.
July 26 ni in Pastoral center of the Cathedral of our Lady of Assumption, Jakarta, Indonesia mun a Fr Clarence Devadas in hattuom ten Artificial intelligence pen pasian thu napitah a ki bulphu masa anga a tuachin aman phat dan te pomsiem ding ahi chin gen hi.
Journalist te apat a hattuom sung a Artificial intelligence khangtou na tungtang a dotna tungtawn in Fr Devadass in hattuom te technology khangtou na toh akikal khasih hi achi hi.
Tualeh AI ichi pen vanjat khat ahia tuami i zat siem leh siem lou pen azang te khut a kinga ahi achi hi.
Tualeh technology lampang gente nading in Covid - 19 toh ate kah hi, aziehpen pandemic lai in media tungtawn a sermon na te live stream bawl in adam lou te, kikhom theilou ten zong inn mun a ana en thei uhi chin tahlang hi.
Tualeh Asian gam a chi leh nam tuomtuom umkhawm te lah a AI tungtawn in ham leh pau tuomtuom te kin leh buong a zat theiding ahisihleh asim thei ding in AI translation tungtawn in i documents te bawl thei in umthei hi achi hi.
Hinanleh tu khang a i buai na ding uh thu leh lah ki zah tuona lam ahinon sih a hinanleh bang pen ahiei adih leh adih chi khu ahizo ta hi chin a gen hi.
Tuazieh in ei Christian te thil sie leh pha te khentel Siamna nei mahmah angai hi aziehpen information leh misinformation te digital tungtawn in bawl khiet leh thezah khiet a bailam mahmah hi achi hi.
Tam athugen te FABC message te khat toh akizai ton mahmah hi. Aziehpen Asian gam a hattuom ten technologies te khangthou dungzui in patau mailou ah hinanleh Gospel values te, human dignity leh synodal practice of listening, dialogue and share discernment tungtawn a guide zing ding ahi achi hi.
Tuazieh in AI khangtou dungzui a hattuom ten zong tecnology tha te a ki heilut pai lou in mipi te leh Hattuom te a sie apha leh thutah te a puilut thei ding a panla ding in Fr Devadass in mipi peikhawm te hanthawn in adeisah thu gen hi.
