Asia gamkai hi kidei telna, kiKhenna gamsunga  leipi siem in pangvai, bang siem sih vai chin ; Pu Cardinal David in gen.

Asia gamkai catholic Pawlpi hi khat leh khat kijawpmatna theina dingin leipi siem in pang, bang siem sih vai chin Cardinal Pablo David in 12 veina FABC kipatna Press Conference hall ah ni 20 July, 2026 in gen hi. Tam leipi ahileh leipi tatah  ahisih a, itna, kitheisiemna, muonna leh kilemna tunna ding leipi ahi jaw hi.

Cardinal David, thu kidohna khat ah, Asia gamkai ah Christianmite mitamlou tenna mun ah buaina tampi tuoh hichin dong ah, Aman adon-na ah ‘’Chirsitian tomna ah Chrsitiante’n kilemna, kihoutuohna leh muonna lampi siemna dingin hunlem tang hau jaw  uhi ‘’ chi’n gen hi.

‘’Catholic Pawlpi buaina gam, Christian ki bawlsietna gam munte ah le-thulou in leipi siem jaw vai in khat leh khat kihoupi ah muonna leh kilemna bawl vai chi Cardinal David mite hanthawn thugen hi.

Asia gamkai atam jaw ah christiante tomnou teng ua tuana bawlsietna, gentheina leh buaina tampi thua zing ua, tuana ei lamkaite’n leipi siem in khat leh khat kihoupi in muonna leh lemna um theine dinga nasep ding khu FABC te thupi(Theme)  mang toh jong kituoh mama hichin gen hi.

Tam FABC Khawmpi ah cardinal 120 leh bishop, fathers, sisters, milian, milal tampi injong uap ding ah, 20-26 July sung daidinga, Asia gamkai toh kisai thu-le-laa tampi kikhupna, kihouna, thungetna, touna chite tuomtuom jong nei ding uhi.

‘’Asia continent ah gam tampi leh milip tampi um ah, tuana biehna tuom, hamtuom, tawndawn tuom, chi-le-nam tampi um ah, tuana mitam na bangin buaina tampi um ah, mijong, mingau tam, gal-le-sa umzing, galtai tampi um, ki bawlsietna nichin in um zing, kitha-kimat leh  kimudana chite tampi um a,  tuana ei ten ki itna, ki ngaina hawm ding,  sum leh pai ah ki thuopi ding , kilemna sat-ding ahi chin Cardinal David talat ahi