Federation of Asian Bishops’ Conferences (FABC) Twelfth Plenary Assembly, July 20 pan a 26, 2026 sunga kinei dingah Asia gam tuomtuom pan in Siempupite “Pasian nasepna tungtawn a Lampi hiding leh Lampi siemte hiding” chi thupi mangin ang kikhawm ding uhi. Tami kikhawppi na ah Pawlpi bang chibang in kihoukhawmna, kipawlna kinepna piengsah ahithei dingdan tami zat leh nam tamna gam ah ngaituona pipen ahi ding hi.
FABC mamuna hi German gam a pieng Jesuit siempu nuasanga Indonesia mi suoh Fr. Franz Magnis-Suseno, SJ in Pasain na Kum sawmnga sung asepna ah anasepna pipen anahi hi.
Fr. Magnis hi Indonesia gam a philosopher, theologian leh ethicist minthang pen te khat a theizing ahi. Himananleh, a zilna lama alawchinna banah Fr. Magnis hi kikawmtuona lampi siem khat inzong zatatna lienpi anga hi. Pawlpi leh khotang tawndante, ginna leh nundan, sakhuo pawl leh mipi pawl tuomtuom te agawmkhawm a tuachin kihou tuona, thudih hawmna mihing za-umna akhangsah hi.
A thuhilna, a laigielte leh sakhuo tuom tuomte panlahna dang dangte toh kipawl in Fr. Magnis in Pasian na asepna tungtawn ah lampi asiem hi. Pluralist society ah Thuhoi Thupha talah dan poimaw tah khat ahi.
Tou lam Indonesia Pangkalpinang a OFM Bishop Adrianus Sunarko in Fr. Magnis in pawlpi dinga asepdoh lienpen khu Second Vatican Council in kisiemthana anabul pat theisiemna ahi. Sil kimuolsuo khat a ngailou in tuni tan a Pasian Thuhoi Thupha a kizungphu a pawlpi siemthana dinga chielna in amu jo hi.
Fr. Magnis lampi siem dinga akipiehna in pawlpi nun a huom zau mama hi. Kum tampi sung sakhuo dang dangte kihoukhawmna ah a aw akizatat pen khat ahi.
Syarif Hidayatullah State Islamic University Jakarta a Graduate School a Islamic Political Thought sie Prof. Dr. Siti Musdah Mulia in Fr. Magnis in sakho tuom tuomte kihoukhawm nadingin ethical foundation det tah a siem jieh in sil lamdang tah khat asiemdoh hi achi hi. Kum tampi sung a nasep khawm nagel ngaituo in kihoukhawmna khu buoina venna ding maimai in azangsih hi. Tua sangin mihing chinte za-umtah a khat hina a umna in amu jo hi achi hi.
Dr. Musdah in Fr. Magnis pen Indonesia gam a sakhuo tuom tuomte kikhoukhawmna tungtang ah ngaituona nei lienpen in athei hi. A um talou Nurcholish Madjid khu theological pluralism masawnna dinga theizingna ahillai in Indonesia President lui Abdurrahman Wahid khu social leh cultural leadership zanga pluralism a talah jieh a thei ana hi lai in, Fr. Magnis in philosophical leh ethical framework a pie a, tuami’n kikhoukhawmna khu pluralistic society a michin in moral responsibility aneina bangin a talang hi.
Amamuna in Asia gamkai a pawlpi zang tah in ahilchien hi.
Khawvel a sakhuo lien pen pente umna leh hindan leh nam dang dangte mosaic umna Asia gamkai in Pasian Thuhoi Thupha pen kimaituona pan hilou a kimutuo na pan a phuon dingin atawh ahi. Kum 1970 a anakiphudoh akipat in FABC in Asia gam a pawlpi malam hun khu kihoutuona pan in akinga hi ana kichi hi—hindan-tawndan, sakhuo, migehtheite leh mikiphalte ngaituo kawm in.
2026 Plenary Assembly a “Pasian nasepna tungtawn a Lampi hiding leh Lampi siemte hiding” chi thupi ana kitel masang in Fr. Magnis in tami mamuna ana mujouta hi.
Ama hinkhuo in Pasian Thuhoi Thupha tunga gin-umna in tulai khovel lam heia kihawnna a dodal ngaisih hi chi akilangsah hi. Tua sangin, ginna dettah neite’n thu leh laa angai ngam a, kihoukhawm nate, mihing za-umna ven nate, dihtah a vaihawm nate tawisanga, kilemna dinga gimlou leh hangsan tah a nasepna a ensah hi.
Polarization, sakho lama extremism leh khotang kikhen thangna nasa tah umna khovel ah Fr. Franz Magnis-Suseno, SJ in pawlpi khu a gin-umna kulh siem jieh hilou in, lampi siem jieh a hing khang ahi chi ei theisah kia hi.
Asia gam a siempupite Jakarta ah Asia gamkai a pawlpi malam hun thei dingin ang kikhawp lai un Fr. Magnis in lampi siemte hi ding khu duhthusam mai hilou chi lungsim a eikuoi pen khat ahi achi hi. Nisim a chielna ahi—mikhat khu kihoukhawmna, kingiemkhietna, lawmta hina leh Khrist hagau midangte tuoh dinga kipiehna dettah zanga hinpi ahi.
