Israel leh Hamas kikal a kilemna in gam siengthou (Holy Land) a Khristiente bang alaw diei?

“Tam kilemna a panmun la jousie tungah lungdamna lienpi phuong ing.Kilemna hi tambanga kintah a bawl ding ma hi.” Pope Francis.

Gaza ah munpi (parish) khat lien aum a, tote zong khat lien aum a, ama’n kilemna ding ana hanchiem hi. Apeisa kum khat sungin tam mun ah galtai Khristien pawlpi mi 500 vel akiphuol uhi. Innlam kile ding a hangaih mama ua, awl awl in kile nava uh.

Kilemna um ahitah jieh in Gam Siengthou (Holy Land) ah Khrisiten pawlpite’n zinna siengthou (pilgrimage) apan thei kiata ding uhi. Israel leh Hamaste kibuoi kal in koima Gam Siengthou ah deibangin azin theisih uhi ajieh pen khuosung khuo pam ah bomb aging denton a, koima nuomtah in azin theisih hi. Jerusalem Khuopi a Latin Ham a thungente Siempupi inzong mipi hing zin thei tava uh chi’n zong agen hi. Thei dinga kilawm in Jerusalem kimvel a um Khristien pawlpite’n zinna siengthou nei dinga hing kuonte ana vaidot gige ua, azong ana entup jel uhi. Hichi’n amahaw’n sum leh pai sui theina neu khat anei thei ua, anoptuompi mama uhi.