Archdiocese of Cologne in FABC toh akizawpna khu Green, Self-Sustaining Project toh liensah sem

Archdiocese of Cologne in Asia gam a Pawlpi kithuopina khu biehinn leh pastoral facility te sum piehna te ban ah aliensah sem sem a, mailam hun a dinga sil poimaw tah khuo leh hui kepbitna, sum leh pai lama ei leh ei kichinna te khu abuoipi ding uhi.

Tami thu hi Archdiocese of Cologne a Department of the Universal Church a Project Coordinator Mr. Alessandro Chieregato in July 23 a Jakarta a Federation of Asian Bishops’ Conferences (FABC) a 12 veina Plenary Assembly a palaite kungah thu agenna a agen ahi.

Archdiocese of Cologne telna hi a diocese sunga Department of the Universal Church kum 50 chinna pawi toh akituoh hi, October 2 pan a 4, 2026 sungin Germany khopi Cologne ah Golden Jubilee a mang ding hi. Mr. Chieregato in FABC seppite khu tami kipahna pawi a hing tel dingin achiel hi.

Kum sawmnga sung Asian diocese te toh anasep khawm dante ngaituo in, archdiocese in hun sotpi tah sung biehinn, seminary, convent, pastoral center leh bishop te tenna inn lam khu pha ana sa hi chi agen hi. Himananleh, tu lai in pastoral reality danglam zel in Pawlpi panpina tungtang lam et leh ngaisah joh angai ahi.

Tuajiehin Archdiocese of Cologne in Pawlpi pastoral mission hanthawn zel kawmin nasep hoina pungsah, sum lahlutna dettah siem thei ding, leh khuo leh hui kep bitna ding project te abuoipi laitah ahi.

"Ka seppite uhi khuo leh hui tualeh sum leh pai lam a kebitna policy hoitah neia hoitah a peipina neia phattuomna lam masuonna toh kazui nuom uhi,” achi hi.

Session sung in funding guidelines tha tungtang chien tah in gensih nanleh, Mr. Chieregato in participant te khu kihoukhawmna peipi zinga archdiocese tawndan kikhel danglam zel tungtang zil be dingin achiel hi.

A thugen tawpna lam ah Mr. Chieregato in FABC Plenary Assembly in Asia gam a Pawlpi dingin ga hoi hing suongva chi akinepna thu agen hi. Archdiocese of Cologne in FABC in Thuhoi Thupha hil leh pastoral renewal lama a mission a peipi dinga akipiehna khu a namdet kia ahi.

A thugen in international Church partnership te khu sustainability lama kipiehna hawm, mawpuohna nei tah a etkawl, leh mailam huna Pasian nasem dinga kiging khol, local Churches det tahtah atun ding atup thu synodal vision zanga siem ahi zel dingdan a tahlang ahi.