June 26,2024 ni’n Jammu-Srinagar diocese a Fr. Charles Davis, Vatican a Pontifical Academy for Life a panmun luo dingin Vatican in tel ching in ana koi tahi. Tu-leh-tu’n ama hi Bangalore khuopi a St. John's National Academy of Health Sciences a associate director ahia tualeh Germany gam a University of Freiburg ah jong visiting professor panmun luo jong ahi.
Kumpi nasep ana topsan jou in Jammu-Kashmir diocese ah ana lut a, Topa Davis in parish priest, judicial notary, principal, leh personal secretary to bishop te ana kithuopi nadingin panmun lien tah ana la hi. Tualeh anasep te tahlah thei dingin Frankfurt University Hospital ah chaplaincy in ana om a tualeh St. Joseph's Hospital in Baramulla, Kashmir a jong chaplaincy panmun mama luo in ana om hi.
Pill eh siem sinna lam ah jong a lawching mama a, Germany gam Frankfurt khuopi a The Jesuit University of Sankt Georgen leh Albert Ludwig University of Freiburg institution te apat in PhD 2 ana jou hi. Tualeh tua mun mama ah professorship in Bioethics and Moral Theology jong ana jou hi.
Laibu ana giel te lah ah "The Ethics of Human Embryonic Stem Cell Research: Proposals for a Legal Framework for India" and "Human Dignity in World Religions: Toward Global Bioethics and Biolaw," te hi leitunga university tuomtuom ah aki sim hi.
