September 03, 2024 nai zingmawng nai 11:30 vel in Tangerang khuo a at Soekarno-Hatta International Airport ana tung ta hi. Naupangte’n Pu Pope Francis ana vaidawnna ana nei uhi.
Pope Francis September 3, 2024 Sepkiani a Indonesia gam apei na hi agamsung adia ni poimo tah leh melchi tham ching hun ahi. Vanleng kuon angtun in lamkaite’n ana vaidawt pai hui.
President Joko Widodo in athugenna ah Minister of Religious Affairs Yaqut Cholil Qoumas, Chairman of the Committee for the Arrival of Pope Francis in Indonesia Ignasius Jonan, tualeh Archbishop of Jakarta Cardinal Ignatius Suharyo te telna in Pope Francis Indonesia gam angtun avaidawnna thu aphuong hi.
“Indonesia mite thakhel in Pope Francis tami gam ah ka vaidawtna thu leh ka kipah thu ka phuong hi,” chi’n President Jokowi in agen hi. “Indonesia leh Vatican in lemna leh muonna tualeh mipi damtheina lam a apan lahna akibang a, tami nili sung Pu Pope Francis in igam uh ang ve na tungtawn ah igam sung uah hagau lam kihou khawmna te ah lochinna hingtut va chi’n kaki nem hi”.
Pope Francis Jakarta sunga avah na ah ama veng dingin security hoi mama in azui hi, tami security te hi gamsung lamkai khat security toh akibang hi.
September 5 ni chiengin Katholik pawlpite adingin Gelora Bung Karno kiapmaina mun ah Mass Siengthou anei pieh dinga tuajou chieng leh Istiqal Mosque ah President Joko Widodo leh pawlpi lamkaite toh aki mutuo ding hi.
Southeast Asia gamkai sung adinga mosque lien pen aho nading ingaituo leh Pope Francis in biehna lam a kihoukhawmna apoimaw na atheisiem mama ahi chi akilang hi.
