India pan Cardinal 4 tah in Pope tha telthei dingin vote nei a, tun Pope lusunna leh conclave a pang dingin Vatican City khopi a um tah uhi. Amaute ahileh Cardinal Filipe Neri Ferrao, Cardinal Baselios Cleemis, Cardinal Anthony Poola leh Cardinal George Jacob Koovakad te ahi uhi. Pope Francis in adamlai ah cardinal ding ana telkhie mi ngen ahi uhi.
Pu Pope Francis shi jiehin Katholikte vaisaina innpi Vatican City pan leitunga a um katholik pawlpite dingin lusunna leh dahpina ni 9 tah Phuong uhi. Tamhun in Pope tha kitelna dingin vai jousie ki guang ah, Pu Pope ki vui joujou leh leitung pumpi apat hinh kalsuan cardinal 135 vote nei jousie khu pope tha tel dingin Sistine Chapel lutpai ding ua, Pope tha atel malaisie un, tamsunga kikhum chip ding ua, koima toh ki mulou ding, koima toh jong ki houthei lou ding uhi.
India pan Cardinal 4 vote neite ahileh
Cardinal Filipe Neri Ferrao, 51 kum upa hia,tu leh tu in Archdiocese of Goa and Daman pan hia, tualeh CBCI leh FABC ajong Preisdent ahi.
Cardinal Baselios Cleemis ahileh Major Archbishop of Trivandrum of Syro-Malanka um hia, tu leh tu injong President of Synod of the Syro-Malankara Church panmun tuh hi.
Cardinal Anthony Poola in tu leh tun Metropolitan Archbishop of Hyderabad hia, Pu Pope Francis in damlai a cardinal dinga tel lah khat ahi.
Cardinal George Jacob Koovakad in tulaitah in S Antonio Di Padova a Circonvallazion Appiana leh Perfect of Dicastery for interreligious Dialoguo a panmun lianpi tuh hi.
April 11, 2025 dungjui in, leitung pumpi a cardinal 252 um ah, tuasunga 135 in Pope tha telthei na ding leh Conclave a pang thei ding un vote nei uhi.
