Cardinal Tagle: Pawlpi in tulai “Mary Magdalene” te pen lam-etna thu sakhi te ahi uh chin theisiem ding ahi

“I Parish leh diocese te sung ah Mary Magdalene tampi a um hi. Amahte I muh thei hi thupi tah a hi.”

Tam thu thuhilhna tawh, Cardinal Luis Antonio G. Tagle in Federation of Asian Bishops’ Conferences (FABC) Plenary Assembly 12-na a telte ding ni khat retreat tawpna a nei a, Asia pumpi sung ah Pawlpi makai ten leitung in a ngaihsah loh, ahivanga Pasian in lam-etna theipi tuh ding a telte muh leh ngaihsah dingin a sawm hi.

Cardinal pa’n July 22 ni ah Hotel Mulia, Jakarta a um Gerbera Room ah Latna Siengthou (Holy Mass) abawl hi. Tam Mass pen St. Mary Magdalene pawi ni leh retreat ni khat sunga thungetna, dai dideh a umna, ngaihtuahna leh Hagau lam pilna tawpna ding ahi hi.

Mass kipatna in Cardinal pa’n Pope Leo XIV in Asia gam dangdang pan a hing pei cardinals, bishops leh delegate te tung ah salam leh thupha a pie hi.

St. Mary Magdalene, Pawlpi in “Apostle tung ah Apostle” chi a jatat pen, amah nu’ tangthu pen leitung in hatlouna leh khialna chi a muhna mun ah Pasian in a thupi na muh dan hing lah hi chin Cardinal pa’n gen hi.

“Mary Magdalene tangthu pen hoi mahmah hi,” a chi hi. “Amah nu in gimna tampi thua hi; ahivang in Jesu in amah nu a mu hi. Min tawh a sam hi, a thei hi, Ama’ itna in a siansuah hi.”

Cardinal pa’n Mary Magdalene pen khatvei dawisagih pan suahta nu ahihna, jie in Jesu’ nuazuite lah ah a kinai pen khat hing sua hi; mi dang tampi a taimang laitah in amah nu in Kross bul ah chi tah tah in a ding hi chin gen hi.

“Tua numeite in leitung maiah, ‘Amah ka thei uh hi. Ka kiheisan lou ding uh hi. Ka chitah na uh a leng lou ding hi,’ chi bangin a ding uh hi,” a ci hi.

Cardinal pa’n Mary Magdalene leh Thou kia Jesu kimuhtheihna thu zong a ngaihtuah hi. Dahna leh lungkhamna in a tuam laitah in Jesu a thei pei lou hi; ahivang Ama’n a min tawh a hat chiangin bangkim hing kikhel hi.

“Sil bai khat in thupi pen thupiangna a muhtheihsah hi,” a chi hi. “Amah nu in a Tuchingpa aw a za hi. Amah nu a thei leh a min tawh a hatpa a thei hi.”

Cardinal in gen danin, tam kimuhna in ginna pen mihing thahatna leh semtheihna pan kipan hilou in, Pasian kipanpihna pan kipan ahi. Mary in Thou kiapa Topa a theihna pen, Ama’ itna a phut masa leh Ama’ aw a theih kawm na zie ahi.

Tua kimuhna pen mission (sawlna) khat ah hing kipan pai hi. Jesu in Mary Magdalene kung ah Ama’ Thoukiana thu sawltah te kunha ah gen dingin a sawl a, tua ziahin Christian ginna thu bulpi masa pen a thei masa sakhi nu ah suah hi.

“Ama pen nuazuite dangte kunga ah khatna (bridge) ahi,” ci in Cardinal Tagle in gen hi. “Ama’ thupuah pen awlmawh hilou hi: ‘Kei in Topa ka mu hi.’ Tua pen ama’n a tuah leh a theih tahtah thu sakhi hi.”

Ama’n gen behlapna ah, tua hunlai mite ngaihdan bangin Mary pen sakhi dingin muanhuai mi khat hilou ding hi napi, Jesu in Thokiana thu phuong dingin a teel hi.

“Thou kiapa Topa in, leitung in a deih ngai lou ding mite tungtawnin thupha lian pen theihsah dingin a ngaihsah hi,” chi hi. “Leitung in thupi dan a tehna pen tam bang hilou hi. Tampen Pasian in a muh dan ahi.”

Retreat thulu bulpi — mission leh pawlna (communion) ah khatna (bridge) suah ding — ah kihei kia in, Cardinal Tagle in a telte kung ah a kimkot pawlpi leh diocese sungah tam bang sakhi mite theisiwm dingin hanthawn hi.

“I parish leh diocese te sungah Mary Magdalene bang tampi om hi,” chi hi. “Amate muhsiem ding a poimawh hi. Topa in a sawl mite ahi uh a, lam-etna bulpi leh thutah lian pen min hing gel sa uh hi: Jesu tahtah in a thou kitta hi.”

Eucharistic kipawlna in FABC plenary assembly a telte ading ni khat sung retreat tawpna ah sua hi.