FABC Communications Office apat Asia gam a Digital tungtawn a pasian thu puong zah dingleh pangkhom ding dan

A 12veina FABC Plenary Assembly July tarik 21 ni in The Federation of Asian Bishops' Conferences Office for Social Communication (FABC-OSC) kichi te’n pasian thugen nalam a khangtou dan tuomtuom teleh hattuom te ki pawlkhawm dan te leh hun jatkhom dante tom kim in report ana pieh uhi.

Tami report piehna ah mipi tetoh kituoh tah a ki houkhom gige thei na pen hattuom te manggam naa sepna lam ading a sil poimoh penpen ahi chi hi.

March, 2025 ni a Bishop Marcelino Antonio Maralit Jr. chairman ding ah telkhiet naleh Fr. John Mi Shen executive secretary ding ah telkhiet napen offcie leh mipi te ading a sil poimo leh phatuom mahmah khat ahi chin gen ah. Tualeh office te’n pan nasatah a la in Asian hattuom te lah a hat naleh kituohna pungsah mahmah hi chi Radio Veritas Asia (RVA) campus in Quezon City, Philippines te apat mukhiet thei in um hi.

Tualeh tami mission nuoi a Radio Veritas Asia (RVA) ahia tampen Asian gamsung a ding a media leh network lam a lienpen ahi. Tualeh August, 2025 in Fr. Felmar Fiel, SVD lamkai na nuoi ah general manager ding khat guotkhiet ahi. Tam RVA in mun tuomtuom apat ham tuomtuom te toh ki pawlkhawm nateh asuh hat mahmah hi. Tualeh Myanmar Language Service tetoh kipawlkhom na teh puohtha in um ah tualeh Taiwan ah Mandarin Production Center tetoh ki khut jopna suh hing tha kia in ki muohna tawh ki pawlkhom nateh suh hat tha kia in umta hi chi report apat in mu thei in um hi.

Tualeh asian gam mun tuomtuom ah vaiguon leh nasep na te jousie tami media office nasep na tungtawn apat mukhiet thei in um ah tualeh tami RVA media platform jal in Asian gam a catholic tampi tah te’n Pope Francis pasian naa sep te tami thei khiet belap ah asi na te bang a dahpi in thumna tetoh a innsung mi leh hattuom mite hamuon thei uhi. Tualeh tami media tungtawn mah in Pope Leo XIV kipahpi na teh pethei uhi. Tami RVA media tungtawn mah in catholic mipi ham leh pau chi tuomtuom leh tawndan tuomuom million a sim te’n thu leh laa te a hagau lam in ana phatuom pih mahmah uhi.

Tualeh media lam te buoipi pen ahileh “environmental communication” chi ahi. Tualeh FABC te nasep na 10th anniversary ah Laudato Si', chi thupi jang in Asian continent gambup pi huop in webinars, a short film competition, local Church storytelling initiatives leh The Voice for Our Common Home: Laudato Si' in Asia chi te hongkhiet na nei uhi. Catholic mipi te’n a hinkhuo ua khotang ngainat leh hinna poimo dan te ang mu khiet ding uh lam et na tawh kipan khie ahi chi hi.

Apeisah march,2025 ni a Myanmar gam a zilling hat tah atung na tung ah jong FABC-OSC coordinated information sharing te leh FABC office dang te kihou khawm in hahsat na tuoh innkuan te panpina pieh in napitah in kipan lah hi chi ah, tualeh hattuom lien deudeu te leh asian mission congress leh great pilgrmage of hope te jong media tungtawn a pulah khiet thei hi chi hi.Tualeh tami report apat ki houkhom naleh ki thuza tuoh na poimo mahmah  ahidan te atah lang hi.

Tualeh kum 2025 bei kuan lam ah Radio Veritas Asia online tungtawn a en nahpitah in ang pung mahmah ah 40 percent apat 1.26 million followers bang in media platform khang jou hi chin gen hi. Tualeh online tungtawn a paisian nasep na ah RVA’s Vietnamese in YouTube's Silver Play Button ana muh jou hi chi’n gen ah tualeh tam te tungtawn a digital platform apoimo dan tomkim in office lam apat report na a belap uhi.

December, 2025 in office te panlah natoh Hongkong apat bishop 40, kijah tuohna lam a lamkai te leh  Vatican sakhuo lamkai tetoh artificial intelligence jieh ah gindan tuomtuom hing um te’n hattuom mission a suhkha dan te kikup khom thei nading hunlem siemkhiet thei in um hi.

A 12veina FABC Plenary Assembly media coverage bawl na ding ah communication office Indonesian Bishops' Conference tetoh pan lakhom ah Assembly kihoulim nateh leh pasian nasep nateh Asian gam leh mun tuomtuom te a et thei na ding in nasatah in panlah uh ahidan office lam apat tomkim in report pieh uhi.

Manila ah Asian Catholic Digital Influencers Conference, Macau ah "Magnifica Humanitas and the Synodal Way of Evangelization in Asia," chi thupi jang ah FABC-OSC Bishops' te Meeting neina leh ahing tungding communication support for World Youth Day Korea 2027, ading a a kisingsah nateh leh panlah nateh jong office lam apat pulah khiet na nei uhi.

Tualeh FABC Plenary Assembly theme "Synodal Conversion and the Mission to Be Bridges and Bridge-Builders in Asia",  chi thupi tungtawn ah hattuom te lung kituoh tah a kalsuon khawm na dingah ki houtuoh jing naleh ki theisiem na poimo mahmah a tualeh Asian gam a local hattuom te suh hat ding poimo ah tualeh khangtha telah a media tungtawn a paisian thu puong zah ding pen ki peipi jing ding ahi chi in tahlang khie hi.