Cardinal Ferrão in Asian hatuom te lung kituoh tah aa kalsuon khawm ding ahi chi’n gen hi.

Cardinal Filipe Neri Ferrão, president of the Federation of Asian Bishops' Conferences (FABC) in hattuom te kalsuan khom na pen athu mai a bei lou ah hattuom chin, khotang chin, innsung leh i hinkhuo chiet ua ihin pi chiet ding uh ahi chi’n 12th FABC Assembly vaiguon honna a july tarik 21 ni in ana gen hi.

Jakarta mun ah Bishops leh lamkai tuomtuom hing kalsuan te kung ah i vaiguon assembly pen amin maimai a ki bawl hilou ah i haugan hinkhuo et chien thei jo nading ahijo hi chi’n a hathawn hi.

Eite pen a amin Asian gam a hattuom te mailam ding maimai genkhom hijoh lou ah, pasian in a mipi te ading in a bang a dei ei chi sui khe ding a hing ki peikhawm ahijo hi. Achi hi.

Aman assembly theme “ mipi te kengkhat a ding a kalsuon khom ding leh Asian gam a mipi te ki joptuoh na lei bawl khiet ding “ chi pen a angai poimawh mahmah hi. Tuami a ding in Hattuom te lungkhat a luong khom ding, thu ngaikhiet kithalawp ding leh asia apha khen siem thei na lungsim nei ding poimawh mah2 ahi achi hi.

Cardinal Ferrão in lungkhat thakhat a dingkhom ding ichi pen iki thuhil te uh khe lamdang ding ahiei ahisih leh iki vaipuoh dan uh khe tha ding china jong ahituon sam sih hi achi hi.

Hinanleh dawtna lienpen chu ahihleh lung kituah tah a i kalsuon khom napen apomoi tahtah ama chi hijo lou a, hinanleh i khotang sung, i hattuom sung, i sang inn te uh leh in innsung te ua bang chin athu lut jo thei diei chi hijo ahi, chi’n a belap hi.

Cardinal in athu gen jel na ah, laisiengthou a philip in nathanael lam pi dih a achiel bang in hattuom te mohpuahna pen mikhat hinkhuo a kikhel na ang um chieng in hing kipan pan ahi achi hi. Pasian thugen ichi pen mitoh kiniel a guol jo mai hilou ah mikhat hinkhuo khel lamdang joh ding khu ahi achi hi.

Tuachi mabang in Asian gam mun tuamtuam apat a thungai ding, thugen ding, thumna nei ding leh anasep dan te uh gen ding a hing kalsuon bishsop ten jong tami i ki pawlkhomna uh vaiguon tungtawn a kikhel na inei joh ding uh ahi. Achi hi.

Tami thumna nei ding, kihou khawm ding leh thu hoi thupha khen siem ding i chi te pen amin maimai a vaiguon a tel hijo lou ah, lung kituoh a kal suonkhawm ding ichi te etsah na ahi. Achi hi.

Asian gam a khanglui tawndan te, nam tuomtuom teng khom te, hattuom tawndawn chi tuomtuom um khawm te’n hattuom te a ding in hamphat na leh mohpuahna lien pi hing tut hi chi’n belap hi.

Asian gam a hattuom umte pen mipi te kituoh na ding a lei a pang ding leh lei bawl tuh a pang ding a chiel ahi ah tualeh Kituoh tah a kihou khawm, khat leh khat ki theisiem ding leh nam khat leh khat, tawndan tuomtuom te ki jatat pi tuoh chiet ding ahi chi’n hathawn hi.

Tualeh aman jong i Asian gamsung ah khangtou na te, Artificial intelligence, mun tuomtuom a gal jieh a tai khe te, khotang sietdan te, ki tuoh lou na um te gaal leh saa a ki tha kimat na te ang theisiam pi mahmah ah, hinanleh tam te jieh lungkeh mailou ah Hattuom ten pan nasah tah a la ding leh hattuom mi teng kung a zainem leh dawh jou tah a pang ding in hanthawn jo sem hi.

Tualeh tami vaiguon assembly mang a hing kalsuon te jousie jong hagau a lunglut tah vaiguon tawp tan mang chiet ding in Cardinal Ferrão in mipi te kung a ngetna bawl hi.

Tualeh tami I assembly vaiguon a lai poimo chi tuomtuom i gen uleh I gel khiet teh uh hicia houlim na bang a bei mailou ah, hinanleh Asian gamsung a hattuom chi tuomtuom um the kung a practical a jat ahithei jo ding dei ahidan tahlang hi.

Tualeh tami vaiguon hun a report te ki pieh masang in ki houlim naleh sil hoi tuomtuom pulah na um nanleh tuni a tami assemby inei khom na pen uh ahileh pasiain in ei Asian gam a hattuom tuomtuom um te a ding in bang atul mo pen ei chi theichien na ding hizaw ahi. Achi hi.

Tualeh Cardinal Ferrão in athugen zo nading in tuni ah tami a 12veina FABC Plenary Assembly lawching na ding pen documents i bawl khiet jat a hing ki nga sih ding a, hinanleh tami Jakarta mun i nuasiet khit chieng ua I local hattuom te uoh hagau a dim a lung kituoh tah a kalsuon khawm nading leh mipi te kijop tuoh na ding lei bawl khe te tungtawn a hing ki nga ding ahi achi hi