Sri Lanka a guo nasah tah a ajuh jieh in mi 5 in sina tuoh
Inuasie kaal sung in Sri Lanka gam ah guo nasa tah a ajuh jieh in mi 5 in sina atuoh a mi tul 60 val genthei in a um hi.
Agam sung ua mun tuomtuom ah guo nasatah in apeisa ni 2 sung aphodom hi, hima nanleh Colombo khuopi ah nasatah in aju kia a khuosung ah tui alet hi.
Tami guo juh jieh in mi tul 60 val tui khan jieh in muntuom tuom ah atai uhi.
Disaster Management Centre in gentheina tuoh te apanpi ding thu aphuong pai ahi.
Sri Lanka police te thuphuon dan in kum 36 a upa pasal khat Sapugaskanda lui a kisil a apei na ah tui khan jieh in sina atuoh hi, amapa ahileh Ayagama, Rathnapura khuo pan ahi.
Tualeh kum 26 a upa pasal khat jong Nawagamuwa lui a lei akaan na’n tui in atai mang a aluong October 16 nitah lam in akimu pan hi.
October 16 leh 17 ni tan in Aththanagaluoya khuo ah guo aha juh nalai jieh in tui akhang deudeu nalai hi.
Guo aha juh jieh in min-chiim hingtung thei ding hi chi’n Kalutara, Nuwara Eliya, Rathnapura, Kegalle, leh Colombo khuo te ah kigin khol nading thu aki pie tahi.
