Pu Pope francis in Indonesia gam a zil kilin na tungah a henem nathu phuong

Cianjur khuopi a zil kiling natungah Caritas Indonesia te'n pan alah na uh. (Photo Credit Caritas Indonesia)

Pu Pope francis in Indonesia gam a zil kilin na tungah a henem nathu phuong

Apeisa nilaini in Pu Pope Francis in Indonesia gam cianjur khuopi a Java earthquake kichi zil kilin na a si leh liemte thu anget pieh hi chi thu aphuong a tualeh agam mipite kungah ahenem na thu jong aphuong hi.

National Disaster Management Agency (BNPB) te thuphuon dan in Cianjur khuopi a zil kilin jieh in mi 271 vel a muolliem a tualeh mi 40 vel aluong mulo in a om nalai hi. Tami zil kiling hi 5.6 magnitude a hat ahi.

Thei dinga kilawm in Cianjur khuopi sungah mi 175,000 vel a om hi.

Tami tungtang ah The Indonesian Catholic community, Caritas Indonesia, The Caritas Diocese of Bogor, The Caritas Diocese of Bandung tualeh The Institute of Daya Dharma (LDD) of the Archdiocese of Jarkata te'n kithuo in pan nasa tah in ala pai ngal uhi.

Tualeh local parish in parishioners te panpi nazal in aliemte et nading zatou inn khat ahong a tualeh aliemte leh gentheina thuote dingin ann ahawm uhi.