I leitunga ding thungetna
Ahattungnung Pasian, van leh lei ah na
om a, na siemsa neu pen pen zong na it hi.
Sil bangkim tungah na itna na pie hi.
Na itna leh na thaneinateng ei guon in,
hichi’n hinkhuo leh sil hoi chinteng
kahing kembit ding uhi.
Hamuonna ei guon inlen unau sanggam
in ei omsah in, tuachi’n koima tungah
sietna ka bawlsih ding uhi.
Mizawngkhalte Pasian aw, na mit na maia
manpha, mihing pampaite leh mihing
thuselote ka hutkhiet jo nading un
na thupha ei pie in.
Ka hinsungun dam leh bitna ei guon in,
hichi’n leitung ka hunkhie ding ua,
gamsa bangin ka buh nawnsih ding uhi.
Tambangin leitung kahing jem kia ding ua,
ka buasah nawnsih ding ua, ka thaangbawl
nawnsih ding uhi.
Ka lungsung ua huoihamna leh duamnate
ei sawpsieng pieh in tualeh mizawngkhalte
ei nuoisiesah nawn sin.
Sil siemsa josie manphatdan ei theisah in,
athupina uh ei muchiensah inlen ei patawisah
zaw in.
Hichi’n leitunga hinna nei josie toh ei pipum-
khatsah inlen kumtawn khuovah ei musah ta in.
Nisim a nei chin nei kep jieh in lungdam ung.
Thudih thuman tun nadinga ka hanchiemnate
uh hing lawchingsah inlen, ki itna leh kilemna
ka nei zing nadingun hing hanthawnta in.
Amen.
