FABC 2026: Pakistan a Minority hattuom te’n anasepnate pan un kipumkhatna lampi siem uh
July 20–26 chiengin Asia gamkai sunga Siempupite Jakarta, Indonesia a 12th Plenary Assembly of the Federation of Asian Bishops' Conferences (FABC) ah akisuto ding ua "The Call to Synodal Conversion and the Mission to Be Bridges and Bridge-Builders in Asia," chi thupi zang in akikum ding uhi.
Pakistan a Catholic pawlpite adingin hinkhuo man abai sih a, agam uah mi million 240 a um a tamte lah a se 2 maimai apha bep uhi. Sakhuo a kikhenna ahat jieh in Khristien pawlpite’n athuohla mama uhi. Agam dante uh suhsietlou a um zing hi a nisim hinkhuo mandan tangpi uh ahi.
Tami buoi gam ah sakhuo dangte toh kipumkhatna lampi siem ding dan hi mihing khotuona a nasep ding ahi.
Apeisa kum tampi sunga kipumkhatna umtheina pen hi gimlou leh kiphal tah a nasep khawm hi lampi hoipen leh adetpen ana hizing hi.
Siem zilna kigawmna mun a neih
Sakhuo a kikhen a um masang in Catholic sang-inn lui Karachi a St. Patrick’s leh Lahore a St. Anthony’s te hi zat leh nam kigawmkhawm na munpi anhi ahi. Khang tampi tambangin kigawmkhawmna ana um a Muslim student body te’n zong pill eh siemna ana nga mama a tualeh, mai hun a prime minister, judgete leh general te zat leh nam neujo te toh tami sang-inn sungah zat leh nam neujo te toh ana tou khawm uhi.
Tahsa Damtheina lam leh mihing itna lam a dettah a pan lahna
Khuo leh hui hoilou leh ahing siet chiengin pawlpi pan lahna in sakhuo a khentuom anei sih hi. Caristas Pakistan leh Catholic zatou innte tungtawn in panpinate leh zatui-zaha mihing poimaw na dungzui in akihawm let hi. Tunai sawtlou a tuikhan inzong pawlpi mapui natoh Muslim innkuonte panpina, umna ding innte leh zatui-zaha te akipie hi.
Mailam a Lamkaite
Cardinal Joseph Coutts: Karachi a Emeritus Archbishop in "Dominus Vobiscum" (TOPA nang toh umta hen) chi thupi zang in ma apui zing hi. Khosunga zat leh nam neute akibawlsiet chiengin Cardinal Coutts in Islamic mipil misiemte akhawm a kikhoukhawm natoh thukhenna nei in gal asuo ngaisih hi.
Bishop Samson Shukardin: Pakistan-a Catholic Bishops’ Conference President ahi nabangin Shukardin in singtang Sindh-a hamsatna thuohte a entup a, Kristian zat leh nam neute leh Hindu nam neujote’n khentuomna athuohla mama uhi. Secular Muslim human rights defender leh journalist-te toh pan lakhawm in minority rights te mainstream national discourse-ah lawching tahin a tawisang hi.
Fr. James Channan, OP: Dominican siempu leh Lahore-a Peace Center Director in kum tampi kilemna umna dingin na anasem hi. Gam pum huop a peace council leh United Religions Initiative (URI) tungtawn in Fr. Channan in sectarian extremism douna dingin grassroots dialogue atawisang hi.
Fr. Francis Nadeem, OFM Cap: Hun sawtpi National Commission for Inter-religious Dialogue and Ecumenism-a Executive Secretary ahi lai in, a um talou Capuchin friar ah Pakistan a tulai sakhuo dang dangte kipawlkhawm nadinga apan lahna ah adet mama hi. Anasep te hi St. Francis leh Egypt Sultante et-te in asem a, "Peace Caravan" chia project anapat inzong grassroot a lemna suina a panlahnate leh khaichi ana the te zong leitung ah amom hi chi theichien ahi.
Dr. Ruth Pfau: Kum 1960 in Germany pan in ang pei a, A liemsa Sister Dr. Ruth Pfau in kum zabi kimkhat Pakistan gam puma phah natna sumang dingin ahun anazang hi. Karachi a Marie Adelaide Leprosy Center a anasepna in sakhuo leh khentuom ana neisih a, "Pakistan’s Mother Teresa" chi min apuo hi.
Asia gamkai adinga te-chi
Pakistan a hattuomte pan a leitung pumpi a zat leh nam neujote’n azil ding uh atam mama hi. Khanglai te hilna peih kizawp nalai dante, damlote damsahna te, Islam lamkaite toh kipawlkhawmna dettah nei a kilemna umna dinga pan lahkhawm dan te, tam te hi mailam huna pawlpi dinga sakhuo dangte toh kituoh tah a umkhawm nadinga sil poimaw tah ahi.
