Dam gegu a le'ng ihmu theilou a om theih hi a, ihmut hun a ihmu hit-hit thei a na om hampha kisa in.
Damdawi in a natna haksa tak thuak a, sih ding ngak a mi tampi a omlai in, nang na innlum a luangmuang leh chidam a ihmu hit-hit thei a na om kipak in.
Mi tampite nek ding neilou gilkiala a omlai in nang na duh-duh ne a gilvah taka na om theih, na hamphat dan ngaihtuah thak in.
Natnate ziaka duh ngoih-ngoih leh duh teng ne theilou a mi tampite a omlai in, nang na duh-duh ne zou leh nethei a na om kipak in.
Innkuan kim nonlou a pasalte hiam zite hiam sun a lungleng tak leh thomhau taka hinkhua zang tampi a omlai in, nang innkuan kim a ankuang sawk khawm thei a na om manpha ahihdan thei in.
Nang le' bangmah hi hetlou hinapi a, na mi hinpih ten hiai bang teng haksatna a tuah lai in nang le a tuak thei lua hinapi'n tuaklou a hon om saktu Toupa kiang ah, kipahthu gen thasial ken.
Toupa hoihna ngaihtuah in sut thak-thak dih, zing nisuah a pat nitum dawng' Toupa hoihna na mu ding hi. Na kiheina lamlam ah, Toupa khutsuak thupi dan, na tung a ahoih dan, na etna lamlam ah na mu ding hi.
Bangmahlou petmah ihih lai a le'ng hiai tana honpi a hon domsang Toupa ahi.Niteng hunteng a sihna limguam tawn a sithei gige dinmun a ding himah le' hang i hinnate tuni tanpha hon humbit saktu.Toupa kiang ah kipahthu gengen zaw ni maw.
✍ Mawi Tawmbing
