Nupa tuakkhat in tapa khat chauh a nei ua, a duat mah mah uhi.. Himahleh, atapa neih sun uh akipak thei mah nah kei a, a tawp in ataimang a, a nu leh pa lungsim ana mah mah hi.
Kum 7 nung in, nikhat tuh mikhual khat anei ua, huchiin, atapa tanchin ahilh ta uhi. Zan chiangin ihmut hun in kongkhak tahbi pawkalh in kongkhak polam ah tahbi koihna dia abawlna muh ah koih zel uhi. Intek nun hichiin gen hi, ka tapa zan chiang in hong pai kha zen zen henla ihmut nop laitak in hon phawng zou kei kha leh ahon paimangsan nawn kha ding e.. tahbi koihna mun leng atheihsa ahi thou a, athawm za kei leng le tahbi ala dia ahawng thei mai ding achi hi. kum 7 sung zan tengin tahbi tua mun ah koih gige ahih dan gen hi.
Pathian inleng tuabang in lungput nei ahi. Amah vakmangsantu mihing ten akianga ikik nawn hun ding honna ngak gige a honna en gige hi.
Dohzou tak leh lungduai tak Pathian nei ihih manin ihampha hi. Hehpihna kong kihong hi chi chih leh namchih adin... Hun kikhel ma in, hun lap in Toupa kiang izuan ding uh.
