FABC President in Cardinal tangle Khawmpi ah hing pang ah Retreat ah makai jiehin kipah thugen

Cardinal Tangle Anotnio in FABC Khawmpi hingtel banah retreat leh thungetnate ah hing Lamkaipi jiehin Cardinal Filipe Neri President FABC in simjoulou akunga kipahthu gen ah tualeh jong tam Khawmpi ah chielna hingsanpi guo hilou in, Vatican pan in miphasa khat jong hingjawpi nalai in Khawmpi limsa leh lawching sah mama chin FABC Presidentpu in kipahthu gen khawm in pulatna nei hi.

FABC presidentpu in gen kiana ah, Cardinal Tagle pen tamtoh FABC Khawmpi ah 7vei hing kihal na hi banah ah FABC ngaina mama jong ahi chin gen hi. ‘’Tualeh jong Cardinal Tagle pen Rome ah sem nanleh jong FABC member na hia, koute’n na sem, na bawl jousie ah na sepsuojou na dingin kouten thungetna ah kang phaw zing banah panpina na poimaw leh umsah ahi’’  chin FABC Presidentpu in theisah hi.

‘’Cardinal Tagle nang pen Pu Pope toh semkhawm, nee khawm leh um khawm zing na hi jiehin ama kunga ah thu ka ngetpi zing uh leh hoitah a ama thu leh laa te juizing dinga mansah ka hi uhi chin ei na genpi un’’ chin FABC presidentpu in vaihaana nei hi.

Tualeh Cardinal Filipe in Cardinal Fridolin, President, SECCAM, Cardinal Jaime, President CELM ten sem leh bawl tampi nuasie jen ah tam FABC Khawmpi ah hingpang jiehun kipathu tut sawnsawn hi. Tuaban ah tammi Khawmpi lawchinna dinga poimaw jousie hingsaite tunga jong kipathu genna nasatah in tut kawm in thugen khawl tah hi.