KIPAHMAN SAANG ZOU DIN I TAI DING UH:
"Kipahman San tum a kidemna a pangte thilteng teng ah akidek uhi. Amaute'n a mangthang ding kipahman delh in ahih ua, eite'n bel amang theilou kipahman ahi i delh uh. " 1Kor.9:25
Leitung kitaitehna (competition) a sang mahmah ta a, adiak in siamsinna lam ah en le, siam tungtuanna i neih kei leh lohchin ahaksa mahmah hi. Huai lohchinna ngahna din hun tampi, tha tampi, sum le pai tampi sen a kul hi.
Thiltampi ah akidek uh a kul hi
1. Lawm le vual polhna ah a kidek uh a poimoh.
2. Ihmut suahna lakah a kidek uh a poimoh
3. Duh le deihte ban ah hihnop tuamtuamte ah akidek uh a kul a.
4. Asiamsinna uh nawngkai sak theiding thilte ah akidek uh akul a.
5. Mobile phone, games leh adangdangte ah kidek siam apoimoh hi.
Huaziakin khovel amangthang thei ding kipahman sanna ding a le huchitel a panngai ahihleh Khristiante'n kipahman ilamet uh amangtheilou ding kipahman sanna ding in bangzah ta in pan angai dia le?
Paul in tuh tua a mangtheilou kipahman delh in ka tai a, theichianloupi a tai hilou ka hi, huihkhua leltak nawk bang a panghilou ka hi.
Tuanaksang in ka sapum ka hihsidup a sikha bang in ka bawl ahi, huchilou in zaw midangte kiang a ka tangkoupih nung in, kei mahtak kipahman mutaklou a seh in ka omkha ding achi hi.
Awle unau- kipahman mutak ding in I kilamen hiam?
Kipahman mu zou ding in I thilchin zongsatte bangzah inuseta a?
Khelhna a honpilut thei nek-leh-dawn, thanghuaina, muhdahna, enna kisaktheihna, kiotsaknate Khrist ziak in bangzah inawse ngamta a?
Minthanna, summuhna diklou, khovel nopsaknate Khrist ziak in man nan i simthei ta hiam?
Lallukhu/Kipahman se theilou muzou din pan ila chiat ding uh.
