WYD Seoul 2027 vaisaite’n FABC Palaite kungah zinna siengthou nei dingin chiem

World Youth Day (WYD) Seoul 2027 vaisaite’n Asia gam tuom tuom a Pawlpi lamkaite khu khovel pum huop a kikhawppina nei nading a kisahkhawlna khu logistic maim ai hilou in, khangnou khuolzin te adinga sil him, kipah huoi leh hagau lam a hausatna tungsah ding ahi thu achiem hi.

Session hi Seoul a Auxiliary Bishop Paul Kyung Sang Lee, WYD Seoul 2027 General Coordinator in amapui ahi.

Tami hun hi Bishop Lee in Korea gam a Catholic Pawlpi tangthu a ngaituo a, kibawlsietna, kidouna leh lemna leh democracy lam zuon a lampi sau tah zanga a siem dan agen hi.

"Korea gam a Pawlpi hi hamuanna ah hi lou in, gentheina leiah ahing khang lien ahi," achi hi.

WYD Seoul 2027 hi August 3–8, 2027 sung in akimang dinga, July 29–August 2 sunga nei dinga kiguong ahi, Diocese vaiguol tawndan Ni joua man dinga guon ahi.​​​​​​​

Vaisaite’n registration peipi dingdan agen a, Seoul a meileng khu atangpi a khuolzinte kikawmna dinga jah ahiding hi. Tami hun sung in khopi sunga subway leh bus system te zah theina ding transportation card akipe ding uhi.

Orientation hi open forum nei sung in ngaidan kikupna a um a, palaite’n World Youth Day masa apan a azildoh te uh agen khawm uhi, sil bawlthei ding ngaituohna agen khawm nalai uhi.

Palai khat in WYD Lisbon a khuolzin khangnoute hasatna lienpen khat khu a vaiguol ahisih a mobile charging station kisap na ahi chi agen hi.

Tam hasatnate tungtang dawng in, Fr. Lee in participant te kungah tami tungtang vaisaite’n athei a suhfel nading pan akila ding hi achi hi.

"Toilet kining chinga a um theina ding hoitah in aki enkai a, vanzah hitaleh charging stationte hileh," achi hi.

Vaisaite’n WYD Seoul 2027 ah hian leitung bup a khuolzin mi 500,000 vel ang tel ding uhi chi’n asut ua, hitamaleh final number khu Holy See toh kihoutuo a registration ah akinga ding hi.

Session kha nan Bishop Lee in Asia gam a Pawlpi tuom tuomte kungah a khangnoute uh tami vaiguon a hing telsah dingin ngetna anei hi.

"Seoul hi na khangnoute uh vaidawn dingin akiging zing hi. Seoul ah na unpi ua kang mu ding kakinem hi," achi hi.

Orientation in WYD Seoul 2027 a logistical aspects buoipi ban ah tuolsung Pawlpi ngaituona ngaikhie a, khovel mun tuom tuom a Catholic khangnoute ading a tami khuolzinna siengthou hi bit tah leh hagau lam a phattuomna tungsah hidingin ahi chi vaisaite kipiehna pan in akilang hi.