Haiti a tagate kepna mun a mi kuo kiman lah ah Irish Pasian nasem khat leh naupang khat tel

August 3 nia meltheilou migilou thau tawi pawl khat in Haiti gam a Port-au-Prince geia Catholic-run orphanange (Tagate umna) a bulu na ua mi kuo amat te lah uah Irish Pasian nasem khat leh naupang kum thum piengmaw khat jong apang hi.

Pontifical Mission Societies te thusuo Fides gendan in akiman dangte ahileh akhuo sung ua staff member mi 7 ahi uhi.

Tami tagate umna mun hi St. Helena min a kihong ahia greater Port-au-Prince mun a um in international Catholic charity Nos Petits Frères et Sœurs (NPFS) te etkawlna neia um ahi. Tami mun ah naupang 240 val atamjo apiengmaw te etkawl in a um uhi.

Akimante lah ah khat ahileh Gena Heraty, Irish gam mi Haiti a kum 30 val Pasian nasem a um khat ahi. Fides thuphuon dan in migilou pawl te’n a bulu laitah un Heraty pen innsungah a um a migilou te’n amanu toh naupang piengmaw khat leh staff member khenkhat te aman uhi. Heraty in Pasian na asep sungin tambang atuo hi apatna ahisih hi. 2013 kum in tami tagate kepna mun ma a guta te’n ana bulu lai unjong shina toh ana kipel kha hi. A lawmnu’n ama ahu nadinga apan na ah ahinkhuo ana taan hi.

Local authority te’n UNICEF leh Haitian Institute for Social Welfare tetoh kithuo in naupang um nalaite leh staff dangte mun tuom ah asawl ta uhi.

Translated by: William Zo