The Catholic Bishops Conference of Papua New Guinea leh Solomon Islands (CBC PNGSI) te’n Katholik pawlpite Pope Francis adinga thu ngetpiehna nei dingin chielna anei hi. Tualeh February 24 nia Pope Francis tungtanga thu juou kigente demna anei uhi.
Bishop Otto Separy, President of CBC PNGSI tualeh Bishop of Bereina Diocese in tami tungtanga thu agenna ah Pope dammawna tungtang thusuote Holy See Press Office tungtawn a thei ahiding dan leh social media te ah thuchien ahi chi ithei masang in thejah louding in mipi kunga ngetna anei hi.
“Pope Francis zatou inn a om ahi chi Catholic Bishops Conference te’n aki thei a, adinmun jong ahoisih hi chi akithei hi hinanleh Holy See pan in thusuo bangma a om sih hi. Tami tungtanga thu juou tamipi akithe a, Pope sina thusuo tan in akigiel hi. Pope tungtang a thusuo te Vatican thusuo pan a hing pei ding ahibou hi”, chi’n agen hi.
“Ningkum September lha in Pu Pope in ei ve ua tun mipi ama damlou na jieh in alungkham mama hi, tun hun hi Bishopte’n a pawlpi mite thungetna a achiel hun ahi”, chi’n agen kia hi.
Bishop Rozario Menezes, SMM in Pope Francis damlou na leh zatou inn a aom hi hun dahuoi leh hum hamsa mama ahi achi a, Katholik pawlpi mite’n Pope Francis thungetna a theizing dingin chielna anei kia ahi.
Catholic Bishops Conference in pawlpi mite jousie Pope Francis adinga thungetna nei pieh dingin chielna anei a tualeh Pope tungtang a thusuo te Vatican thusuo te tungtawn in ang ki theisah ding hi.
Translated by: William Zo
