Pope Leo XIV in August 3 ni’n akia World Youh Day(WYD) hi South Korea gam a Seoul khuopi a August 3 akipat 8, 2027 kimang ding ahi thu phuonna ana nei hi.
Tami thuphuon hi Rome a Jubilee of Youth mass siengthou kinei jou a phuon ahi hi. Khangnou million val in Rome khuopi ah tami kaal khat sung pawi ahing siim uhi. Pope in tami vaiguol khana Mass jong ana nei hi.
Akia World Youth Day adinga thupi hi misiengthou John Gospel apat a kila ahia, Topa Jesu in anuazuite kunga athugen, “hinanleh haangsantah in um un, ken leitung ka zouta hi” ding ahi.
“Ilungtang ua ikinepna un Jesu Khrist in dawimangpa leh shina ajouta hi chi phuonna dingin haatna ei pie uhi,” chi’n Pope in agen hi.
“Tualeh nou khangnoute kinepna toh Pasian lamzui na ah leitunga pumpia te-chi nahi uhi. Seoul khuopi a ikimu ding uh kinem ing.
Philippine gam ah 1995 kumin World Youth Day masapen anakimang hi, Asia gamkai adingin gam masapen ana hi ahi. Tu’n South Korea agam nina hidingin a umta hi.
1995 kum a Manila a papal Mass ah mi million 5 val apang a, tuni tan in chiemte in a um hi.
2022 kum a South Korea’s Catholic bishops' conference lai bawl dungzui in agam sungah Katholik mi million 6 a um a, tami hi se 100 lah a se 11 maimai ahibou hi.
Archdiocese of Seoul in 2027 a tami pawi hing siim ding in mi 700,000 leh million 1 kikal achin ding akinem a, tuate lah a 200,000 apat 300,000 te gampam mi hidingin akinem uhi.
Tami pawi hi akiman nading gam South Korea tualeh Dicastery for the Laity, Family, leh Life saina leh lamkaina neia kimang ding ahi.
Vatican News thuphuon dungzui in Prefect of the Dicastery for Laity, Family, and Life, Cardinal Kevin Farrell hi formators, youth ministry office te, bishop te, leh khangnoute kunga WYD chielna lai hah akipanta hi.
Translated by: William Zo
