St.Joseph's School Singngat, naupangte'n Environment care leh Drug abuse awarness nei uh

Apeisa 1 August 2025 ni'n Archdioces of Imphal leh Forest Departmentte saina nuai ah, Khuo-le-hui leh Khamthei guithei apat kiveng siem na dingin St.Joseph's  School Singngat ah vaiguon na mang uh hi.

Tam vaiguon ah Sangnaupangte'n Singngat khuo sung jousie ah haam lou in, Environment leh drug toh kisai playcards tuamtuam toikim un lamjuina nanei uhi.  Sangnaupangte Lam juina ah, Fatherte, Sisterte, Archdiocese of Imphat mite , sangsiete, Singngat police, Singngat SDO Staff leh Forest department staff ten jong na uap uhi.

Tam lamjui jou in School Hall ah Vaiguon na kimang ah, tuana SDO Pa, Singngat OC Pa, Forest Department officer leh Father ten thu mantampi genna nei uhi.

Vaiguon sunga etnop pen hileh St.Joseph's School naupangten Environment toh kisai in Exhibition nanei ua, vaiguon tel jousie in etnopsah leh patatna pie uhi.

Progrom tawp jou in, Zinlian ,zinmang ah pang jousie in School huangsung ah Singnou khat chiet na suon uhi.