Fellows in Faith of Mary (FIFOM), Our Lady of Assumption Church, Paruthipattu Parish a khsngnoute’n ha simsiel in migentheite ann neh tuidawn toh a panpi let uhi.
Fr. Regan Manuel Raj lamkai natoh khangnoute’n ponthaw tah in pan ala uhi.
FIFOM in ha siel in nipi nikhat atel ua tuami nichiengin tumlam India, Tamil Nadu a Avadi khuo kimvel a ateh avuoi, inn-lou-neilou te leh panpi ngaite kungah ann neh tuidawn ahawm uhi.
Tutung inzong May 25 Nipi ni’n ann tunsa leh dawn ding tui bawng 50 ana hawm uhi. Tami hamphatna tangte’n alungdam thu uh apuong ua tualeh khangnoute tunga alungkim na uh tut in thupha apie uhi.
FIFOM hi khangnou kiphal khenkhate kigawmna ahi:
- President: Rossario
- Vice President: Subash
- Secretary: Seemon Paythuru
- Joint Secretary: Robby
- Treasurer: Abhiyal
Our Lady of Assumption Church a parish priest Fr. Raj in agen a, “I khangnoute un tambang a pan ang la a migentheite apanpi ua ann neh tui dawn ahawm te uh ka kipah mama a. Mailam hun ah jong khawl lou in hing pang nalai ule deisah ing. Nu Mari in anasep nate uah kithuopi zing tahen.”
Parish Council a Vice President W. Vinoth Kumar in athu genna ah, “I parish a khangnoute hi midangte ding in tahsa lam leh hagau lam ah ettawn tah ching in a um zing. Amaute hi pawlpi khantouna ahi ua anasep nate uah hing piching zing ta uhen.”
Parish a pawlpi mite FIFOM te tungah alungdam mama ua, anasep nate ua alawchinna nading uleh pawlpi khantou nadingin thungetna in a panpi zing uhi.
Translated by: William Zo
