GPH Ni 2: Numei khu ngaituona nukhiapen hilou in silsiem loupina leng lukhu khu ahi

“Numeite tungah Pasian nunnemna, hatna, lainatna leh pasalte atoh kibanglou hinanleh akituohpi hinna pethei itna akilang hi,” chi’n India gam a educator leh spiritual formator Dr. Beena Manoj in agen hi. Asia gam a pawlpite kungah numeite tawisang a kembit ding leh numei apil asiemte toh semkhawm dingin ngetna anei hil.

Dr. Manoj in Feminine Genius, Reflecting God’s Love and Life chi thupi zang in November 28 khan Oregano, Level M of The Light Hotel, Penang-ah thuhilna anei ana nei hi. Tami vaiguon ah mi bishopte, siempute sim in mi 120 apang hi. Amaute RVA Social Media Coordinator Cindy Gorospe in nousietna ana nei hi. Tami session a hing telte amu in Dr. Beena Manoj in hichin agen hi, “Numeite tungtang thu a thu genna kanei simsiel in pasalte’n pan hing la in ahing tel gige uhi, tami hi tamna hingtel numei jousie leh keima ngei adinga hantawhna lientah ahi,” achi hi.

Great Pilgrimage of Hope (GPH) 2025 ani 2 ni’n The Light Hotel-a room tuomtuom ah parallel Impact Session sagi akinei hi.

Numeite pil leh siemna

Dr. Manoj in a session sungin Pope John Paul II laigiel Mulieris Dignitatem kichi “Numeite pilna” na talah pen numeite phatna leh hoinate genna’n azang hi. Kum sawm val peisa a ana sim tami laibu in amanu leh anumei hina tunga kikhelna ananei dante agen a, tami kikhelna pawlpi sunga numei dangte’n nei leh chi adeisahna thu agen hi.

“Numeite pilna” tungtang thu hilchienna anei a, “a thulu maimai hilou in Pasian thutah ahi. Numeite tungah Pasian nunnemna, hatna, lainatna leh pasalte atoh kibanglou hinanleh akituohpi hinna pethei itna akilang hi. Hichi’n numei leh pasal kigawm in Pasian bukimna akilangsah hi.

Dr. Beena Manoj in St. John Paul II in ana talah numeite pil leh siemna zungpi li te: Sil pawmna, Sil theitheina, Kiphalna leh Nu hina tungtang agen a, tamte hi sepna leh tauvuon ahisih a Pasian silpieh ahi achi hi.

Dr. Beena Manoj in athugen tawpna ah, numeite pil leh siemna khu Asia gam a biehna pawlpi adinga hatna lientah ahi thu atheisah kia hi. Numeite’n tami silpiehte hi zalen tah a, dih tah leh lim tah a ahinpi chieng un Pasian itna, damsahna leh kinepna siemtu ahi uhi. Asia gamkaia Pasain itna kilangsah dingin, numeite tawisang a kembit ding leh numei apil asiemte toh semkhawm dingin pasalte kungah ngetna anei hi.

Asia gamkaite nu, Nu Mari kunga thungetna toh vaiguon zaw in a umta hi.