Africa Gamkaipi a Nigeria Gam a Nnewi Diocese a Topa Tobias Chukmujekwu meltheiloute'n apeisa 26 December, 2024 ni'n athat uhi. Topa Raphael Ezeogu, tua diocese a Chancellorpa in Catholic News Agencyte kungah Topa Tobias pen nitah Nai 7.00 vel in thau toh akap ua, tua mun ma ah ashi paita hi chi'n tam thusuo saite kungah agen hi.
Topa Tobias ahileh Lhiala khuo a Our Lady of Lourdes Zatou a nasem ahia, zatui zaha hawm let ahia, tua zatou a nurse sinna a zong pang ahia, asepna mun ahileh kumpite mun ahi.
Topa Raphael in "Topa Tobias ha vangam atun nadingin thu na nget pieh un, tualeh ama'n vangam nunnopna natangta hen" chi'n diocese mite atheisah hi.
August ha, 1984 kum a na pieng ahia, July ha 2015 kum a siempu na suoh ahi. Nigeria Gam hi gam zauhuoi khat ahi, ajieh pen ahun ahun in helpawlte'n tote amanlet ua, phasa khat athat ua, phasa khat sum toh akitat jou in aha uhi. Athat ISISte hiva chi upmaw um. ISISte pen Alqaida pawl toh naki khen ahi ua, Africa Gamkaipi ah ahat mama ua, kumpite'n zong adoujousih uhi.
