SVD te’n Rome ah kum 150 achinna Jubilee lawm

By Zo Service, 17 September, 2025

*September 7, 2025, SVD te'n kum 150 achinna Jubilee Rome a aman na uh. (Photo: SVD Generalate Media Department)*

The Society of the Divine Word (SVD) te’n Rome ah kum 150 achinna Jubilee lawpna ana nei ua lawchingtah in jo in ana umta hi.

The Society of Divine Word (SVD) hi 1875 kum a St. Arnold Janssen in Netherland gam a Steyl khuopi a ana phudoh ahia leitung pumpia Katholik pawlpi congregation lienpen te lah a khat in a umta hi. Tuni’n SVD te hi Gam 79 ah um in Pasian nasem mi 6,000 vel a um uhi.

Tami Jubilee thupi ahileh “Witnessing to the Light: From Everywhere for Everyone” ahi. Tualeh tami Jubilee hi pawlpi Jubilee kum Jubilee 2025, Pilgrims of Hope kum to hang kituoh sese hi.

Superior General Fr. Anselmo Ribeiro, SVD in tami Jubilee honna aneia tualeh Pasian nasem apeisate leh a umlaite, Missionary Sisters Servants of the Holy Spirit (SSpS), Sisters Servants of the Holy Spirit of Perpetual Adoration (SSpSAP), lay partners, benefactors te tualeh vocation promoters te adingin thungetna anei uhi.

Superior General Fr. Anselmo Ribeiro, SVD, blessed and opened the exhibition at the SVD’s 150th Jubilee closing in Rome on September 7, 2025. (Photo SVD Generalate Media Department) — *September 7, 2025 nia Superior General Fr. Anselmo Ribeiro in SVD te kum 150 achinna Jubilee Rome a thupha apiehna . (Photo: SVD Generalate Media Department)*

Jubilee sungah singnou suonna akinei a, tami hi Pope Francis in anapat Laudato Si’ kum 10 achinna toh kituoh ajong kibawl ahi. Former Superior General Fr. Antonio Pernia, SVD in leitang thupha piehna leh singnou tha kisuon pen upna gasuong a abahzamte’n hatna leh detna a etsah nading thu agen hi.

Tami Jubilee a Mass Siengthou Parish of San Benedetto ah Cardinal Ángel Fernández Artime, Pro-Prefect of the Dicastery for Institutes of Consecrated Life and Societies of Apostolic Life in latna anei hi.

*Pope Francis in anapat Laudato Si’ kum 10 achinna toh kituoh a SVD te'n singnou asuonna uh. (Photo: SVD Generalate Media Department)*

Mass joua Fr. Ribeiro in athugenna ah “Tami Jubilee ah mihing lawchinna I lawp uh ahisih a Pasian in eite tungah sil abawlte itheina uh ahi. Eite Pasian nasem maimai ihi ua tualeh imailam hunte uhjong ihun peisate mabangin Pasian khut ah a um hi,” achi hi.

Cardinal Luis Antonio Tagle, Pro-Prefect of the Dicastery for Evangelization in Mission Conference laibu tha kihong pen honna anei a Pasian nasemte kungah mizawng, migentheite napanpi chiengun sum a leitheilou nuamman nanua mu kia uhi chi’n hanthawnna anei hi.

Translated by: William Zo