Apeisa June 24,2024 ni’n Tallur Udupi khuo a Communio missionary training programme vai kiman na ah khangnou 20 in pawlpi nasem dinga kipie khietna anei ua St. Francis Assisi biehinn Tallur, Udupi diocese, Karnataka ah Pasian kunga ki apna ana nei uhi.
Tami Communio Missionary Training Programme hi Apeisa June 22 a kipan ahia June 27 ni’n Most Rev. Gerald Isaac Lobo, Bishop of Udupi in tami vai khana anei dinga tuami toh vai zaw ahita ding hi.
Tami vai a hing tel khangnou Chhattisgarh's Raigarh diocese apat a hing kipan Smriti Kujur electricity board a nasem khat in hichi’n agen hi, “Tami vai pan in ka lungtup khat ka muolsuo hi,” achi hi.
Vijayawada, Andhra Pradesh a hing kipan, ICYM a lamkai Aneesh Challah in hichi’n agen kia hi,”Tami hi Pasian nasem maimai ding ahisih a, amimal a upna leh itahsanna khansah ding leh kipawl khawm nading ahi,” achi hi.
Tualeh Patna, Bihar a hing kipan Dr. Roma Sah zatou sinlai kaht in hichi’n agen kia hi,”Zatou a kasepna toh Pasian na kasep ton thei ding hi ka tha anuam mama hi”, achi hi.
Fr. Chetan Machado, project director of Communio Missionary Training programme in tami khangnoute nasepna in ga hing suong mama va chi’n akinepna aphuong hi.
Tami vai sungin thului tuomtuom akinei a, tahlah thei dingin, 'We are the Church,' 'Every Christian is a Missionary,' 'Media for Mission Volunteering,' 'Missionary Disciples in the Digital World,' and 'ICYM Leaders as Mission Volunteers’ chi ho ahia, Resource Person dingin Rev. Dr. Stephen Alathara, Fr. Vignan Das, Fr. Chetan Machado, Fr Edwin D’Souza, Fr Donic Pinto, Fr Anil D'Sa, SDB and Ms Supriya Varghese jong ana pang uhi.
Tami vai tup leh dawi ahileh khangnoute pasian nasem dinga sin ding maimai ahisih a India gam pumpia tawndan hinda thei chien dingleh mipi genthei hasatnate thei a, tuami toh kituoh a nasep ding zong ahi.
