Pope Francis in Vanimo pawlpi mite kungah: Na ginna uleh na iitna un leitung hoina zem sah un

Vanimo khuopi a Holy Cross Cathedral mai a Esplanade mun a hing kikhawm pawlpi mite kunga athugenna ah Pope Francis in Papua New Guinea mipite Pasian thuhoi thupha Phuong zel ding leh khat leh khat ki iitna toh hing zing dingin hanthawnna thu agen hi.

Tam kikhopna ah Pope Francis in pawlpimi, siempute,siempupite, Pasian nasemte leh naupangte kungah 19th century laia pat a diocese nasepna leh pan nalah dante apatat thu aphuong hi.

“19th Century kim vel apat in tami mun ah tuni tan in Pasian nasepna akikhol naisih hi,” chi’n Pope Francis in agen a siempute, siempupite, Pasian nasemte’n pawlpi naspena hitaleh laisim nalam hitaleh zatou a pan alah nate apatat thu agen hi.

Mun tuomtuom agamla leh ahasa munte a omleh sem te tunga akipah nathu agen a aki pumpiehna uh apatat thu agen midangte phattuom nadinga apan lahna tung uah alungdam thu agen hi.

Pope Francis in innsung leh khuo lehg tui a ki iitna leh kikhuotuona apoimo nate atahlang a tami te apat a Pasian thu leh laa iphong ahi achi hi.

"Eite’n itup uh ahileh ipei najousie uleh mun jousie ua Pasian iitna toh khat leh khat ki iitna toh Pasian thu leh laa iphong ding uh ahi.”

Tualeh Pope Francis in khuosung a Pasian nasemte leh siete hasatna atheisiempi mama a, ahanthawn nathu agen hi.

“Khuosunga pawlpi mite’n Pasian nasemte ipanpi dinguh ahi,” chi’n agen hi. Innsung mopuohna te komkal a Pasian nasem ahi uh manghil sihvai achi hi.

Tualeh mipite kungah akoimapou I nisim hinkhuo a Pasian nasem hichiet vai, inasepna munte hileh sanginn hitaven, Pasian thu leh hoina I nisim hinkhuo manna uah Phuong chiet vai achi hi.

Topa Jesu kamteng zangin, “Tam tea pat in mi’n kei nuazui nahi chi athei ding uh ahi, khat leh khat ki iitna nanei leh”.

Pope Francis in Papua New Guinea mite kungah gal bawl louding, kikhen louding tualeh sietna lam nuasie a ki ngaidam a kipumkhat dingin ngetna anei hi. Tami te’n mi tampi kipahna amangthai sah hi achi hi.

Tami tungtang ah Pope Francis in hanthawnna thu agen a, Tami te sangin iitna apoimaw jo a, iitna atung tuong jo a, iitna in leitung adamsah hi,” achi hi.

Tualeh Pope Francis in naupangte athuhilna toh athugen ajou a, Naupangte kipahna leh anui te uh a etlawm mama hi achi hi.

Tuajou in Pope Francis in mipi thupha apie a azinna te ah thungetna a thei dingin ngetna anei a, aman zong athumpi zing ding thu agenna toh ahun ajou hi.