Tuni 27 November in Asia gamkai Pawlpi mite, siadawte, siempute, Pasian nasemte leh khangtha tampi tah Penang khopi Malaysia ah Ni 4 sung dai ding Khawmpi mang dingin ki suhkhawm tah ding uhi. Tam Khawmpi pen Asia sunga Katholik Pawlpi kipawlna lienpen FABC te saina nuai ah ki mang ding ahi.
Asia gamkai gamte ahileh continent dang banglou ahina ah neu khat thei vai. Asia gam ahileh leitung bup ah sakhua tamna continent ahia, Buddhism , Hinduism, Islam leh sim joulou sakhua tuamtuam hing pienna gamkaipi ahi.
Asia gamkai ah Katholik leh Christiante umte jong lamkhat ah hampha uhi . Biehna Sakhua tampi umna ahi jiehin amaute toh hoitah in kikhutjop ua, thu leh laa tampi kikupna nei jel uhi. Adiehin khuo leh hui vengbit dingdan panlah khawm thei ua, tualeh tuisanglet, jilkiling leh hamsietna tuamtuam ki tuoh chiengin sakhua biehna in kikhen lou in ki lungtuoh tah pangkhawm un ki panpi jel uhi .
Tuabanah nopni dahni chiengin jong ki dah Khawmpi ua, tualeh pawi thupi chiengin jong ki mangkhawmpi kia tawn leuleu uhi.
