Great Pilgrimage of Hope Kinepna Lienpi toh Zinna Siengthou kichi pawi man nading in Malaysia gam a Penang khuopi ah kiginna nasatah in a um hi. November 27 akipat 30, 2025 sungin Asia gamkai sunga Katholik pawlpi a lamkaite leh vaisaite ang kisutuo ding uhi. Tami vaiguol sungah Siedawte, siempute, Pasian nasemte leh lamkaite pawlpi sunga ahiozaw sem a kivaipuo thei nadingin bang chi bangin lampi tha isat thei diei chi’n kikup khawmna anei ding uhi.
Honourable Datuk Aaron Agu Dagang, Minister of National Unity, Malaysia in tami pawi honna Penanag khuopi ah November 27 ni’n anei ding hi.
A Thupi leh a zieh
Tami Zinna Siengthou in ‘Asia gamkai mi hina toh zinkhawmna’ chi etsahna thulu anei dinga tualeh pawlpi deina banga zinkhawmna leh kalsuon khawmnate tahlah thei ahi nadinga tami pawi lawp ding ahi. Tami pawi hi FABC OE te saina nei a kivaihawm ahia tualeh Diocese of Penang sungah akimang ding hi. Tami Zinna Siengthou hi Pontifical Mission Societies – Asia leh Bishops’ Conferences of Malaysia, Singapore, and Brunei panpi natoh kibawl ahi.
Vaiguon leh Zinte
Tami Zinna Siengthou ah gam 23 pan in mi 773 akg kikhawm ding a, India (122), Philippines (128), Malaysia (144), Thailand (34), Vietnam (30), leh adangte. Tami vaiguon sungah pawlpi lamkai gen dinga kilawm in Cardinal Luis Antonio Cardinal Tagle, Pro-Prefect of the Dicastery for Evangelization; Cardinal Pablo Virgilio David, Bishop of Kalookan, Philippines; Archbishop Simon Poh of Kuching, Malaysia; Cardinal Dato’ Seri Sebastian Francis, Bishop of the Diocese of Penang; and Bishop George Pallipparambil SDB, Chairman of the Federation of Asian Bishops’ Conferences – Office of Evangelization te zong ang tel ding uhi.
Pawlpi kizawhkhawmna zui in kikhouna leh kikupkhawmna akinei dinga tualeh khat-leh-khat ngaidante kikupna a um ding hi. Tam te lah ah khangnoute kivaipuohna, kilemna, pawlpi dangte toh kihoukhawmna leh ileitung kephoi ding dante thupi a nei in kikupna a um ding hi.
Mass Siengthou leh tawndan tahlahna
Tami zinna ah zapi adingin Minor Basilica of St. Anne ah Cardinal Luis Antonio Tagle in public Holy Mass amapui ding hi. Tami biehinnpi hi suh-suolam Asia adinga biehinn thupi khat ahi. Mass Siengthou neijou chiengin Australia gam pan a leitunga laasah siem leh laagiel siem a kithang tualeh ICON Ministry phutdoh Fr. Rob Galea saina nei ah concert akinei ding hi.
Tualeh tawndan lahna cultural program dang dangte leh The Rexband lamkaina toh Asia gamkai sunga tawndan thupite talahna akieni ding hi.
Media Coverage
The Great Pilgrimage of Hope Kinepna Lienpi toh Zinna Siengthou vaiguol sunga dingin Radio Veritas Asia hi official partner ahia. Tami vaiguol ennuom leh ngai nuom tapou in thu leh laate Radio Veritas Asia Facebook, Instagram, YouTube, X, leh TikTok (@VeritasAsia) pan leh website www.rvasia.org pan in nazui thei ding uhi.
The Great Pilgrimage of Hope Kinepna Lienpi toh Zinna Siengthou hi Asia gamkai sunga dingin kikhelna hun thupi khat ahiding kinep ahuoi mama a tami vaiguon in kipumkhatna, ginna toh lamzawtna leh kinepna ei leh khawng sawnte adingin ang tut ding ikinem a tualeh Katholik ginna toh hinkhuo man pum a itawndan thupite isiensuo thei nading uh ilam et uhi.
Translated by: William Zo
