Pope Francis in Thawkia Nipi zaw nikhat ni, April 21, 2025 ni’n a umna in Vatican a Casa Santa Marta ah hing na muolliem san ta uhi.
Zingmawng nai 9:45 vel in Camerlengo of the Apostolic Chamber a Cardinal Kevin Farell in thuphuon anei na ah hichi’n agen hi:
“Ule naute aw, kadana lienpi toh Pope Francis a um nonlou thu kahing phuong hi. Tuzingmawng nai 7:35 vel in Pope Francis in Pa inn azuon tahi. Ahinkhuo pumpi Pawlpi leh Pasian adingin ana lan a, ama’n adamlai in Pasian deilam a hin dingdan leh Pasian nuazuite ihi nading un khat leh khat ki iit ding dan eina hil uhi. Tam eihil nate ama tunga lungdam natoh a hagau Pasian kungah ap vai."
Pope Francis hi February 14, 2025 in bronchitis natna jieh in Agostino Gemelli Polyclinic Hospital ah ana kitut a, anatna in hoilam amanaw lou jieh in zatou te’n February 18 ni’n bilateral pneumonia ana diagnosed uhi.
Zatou inna ni 38 a um jou in inn a kizen dingin Vatican a Casa Santa Marta ah ana kile kia hi.
1957 kum in kum 20 vel ahi lai in Jorge Mario Bergoglio hi Argentina gam ah anah nopmaw jieh in zatou a ana ki etsah in atuop hoi nonlou beh khat ana kila doh hi.
Akum atam deudeu leh anah dan te anuom maw jel a tami jieh in damlou na tampi jong ana nei jel hi. November 2023 kum injong United Arab Emirates gam a azinna ding jong tuop damlouna jieh in ana zin nonsih hi.
Translated by: William Zo
