Ka mawtawkeng sie, athakhel dingin noute phalna ka lah ngai amah ?
Catholic pawlpi in FABC Khawmpi ah Synodality nasatah in kikupna nei ua, tuana Fr. Clarence Devadass in FABC lamkaite’n Synodality pen Pawlpi sunga semsuo tatah ding ahileh pawlpi mite jousie pawlpi sunga sem leh bawl jousie ah kihalsa dingdan ngaituoh siem a, Pawlpi sung ki entha vai chin gen a, Synodality khu Pawlpi sunga hoitah juitou dingdante hilchienna nei hi.
Fr. Devadass ahileh executive secretary of the Commission for Synodality tulaitah a pang hia, kikupna ah aman Synodality pen catholic Pawlpi sunga jah dingdan leh peipi dingdante tuamtuam hilna nei ahi.
Tualeh kikupna ah mitampi in Synodality a Bishopte poimaw dan gen chiet ua, ahin Fr. Devadass in Bishpote maimai hilou in, Siempute, siete leh Parish Pastoral Council te jong Synodality adingin poimaw asah atuomnou in gen hi.
Synodality ichileh sanginn hoi, biehinn hoi chite hilou in, Parish sunga lungkituoh tah leh ditah ah pawl vaite saikhawm ding khu poimaw dan gen hi. Synodality sunga Tote nasem Latna siengthou nei, chinate entu leh Pawlpi umna inn chiet avehna khu nasem lienpi ahia, adangte pen Pawlpi mite sem leh hoi dingdan gen sawnsawn hi.
Fr. Devadass siltuoh khat genna , Parish neukhat atuh a, tuana som-a-khat jong dollar 20 apha ngai sia, tuana sum mu leh jahna Pawlpi miten theilou in Church mission lasam mama hi. Tuana Pawlpi mite aneu , alien in Synodality toh kisai in nasem khawm kipan ah tuana Pawlpi sunga khantouna lienpi um hi chin gen ahi.
Fr. Devadass in genna ah kal 1 in Pawlpi mite vehna dingin 100km tai jel ah, tuana mawtaw kengte sie chiengin Synodality tungtawn in mawtawkeng khelna ding sum vaisaite kunga ngen leh lamdang sa mama uhi. Ahin amauten Pawlpi sunga mawpuona kanei tah hichin lungsim ua thei chieng un, Pawlpi adingin nasatah in nasem jaw uhi.
Tun Pawlpi sunga church mission pen Bishopte leh siempute mawpuo ahia, synodality semsuo lei Bishote, Tote , siete, PPC leh Pawlpi mite in mawpuona chiet ahitah dinga tuana Pawlpi jong hat semsem ding ahi chin Fr. Devadas in gen hi.
