New Delhi-based ecumenical body thuphuon dan dungzui in January ha akipan in April 2025 ha sungah Khristien pawlpite’n India gam sungah bawlsietna 245 athuoh ta hi.
May 15 ni’n the United Christian Forum (UCF) in thu aphuonna ah panpina nambat 1-800-208-4545 a thu kimu dan dungzui in India gamsungah Khristien pawlpite’n bawlsietna nikhat ah nivei teitei athuoh hi.
2014 kum akipat in akhang mama hi. 2014 kum sungin Khristien pawlpite’n bawlsietna 127 vei athuoh a, tuaban ah kum 2015 sungin 142 vei, 2016 kum in 226 vei, 2017 kum ah 248, 2018 kum in 292, 2019 kum ah 238, 2020 kum ah 279, 2021 kum ah 505, 2022 kum ah 601, 2023 kum ah 734 tualeh 2024 kum ah 834 vei athuoh uhi.
India gam sunga state 19 te apat thu kimudan in 2025 kum sunga dingin January ha akipan April ha sungah 245 vei bawlsietna atuoh hi. January ha sungah 55 vei, February ha sungah 65 vei, March ha sungah 76 vei tualeh April ha sungah 49 vei.
Uttar Pradesh india gamsunga mi tamna pen ah Khristien pawlpite’n bawlsietna 50 vei atuoh a, a tungtuong pen hi tuaban ah Chhattisgarh ah 46 vei.a
Khristien te’n bawlsietna atuohna State dang te ahileh Andhra Pradesh (14 vei), Bihar (16 vei), Delhi (1 vei), Gujarat (3 vei), Haryana (12 vei), Himachal Pradesh (14 vei), Maharashtra (6 vei), Odisha (2 vei), Punjab (6 vei), Rajasthan (18 vei), Tamil Nadu (1 vei), Telangana (1 vei), Uttarakhand (2 vei), tualeh West Bengal (11 vei).
A. C. Michael, UCF convener leh Delhi Minorities Commission a former member tualeh pawlpi lamkaite leh civil society tuomtuom te’n Federal leh state government kungah tami Khristien pawlpi dem leh bawlsie Hindu kulmut te dan tawh kilawm a atungthu uh kilel nading a ngetna anei vang un kum tampi aki government in ana donse sih uhi.
Prime Minister Narendra Modi lamkaina toh Hindu kulmut Bharatiya Janata Party (BJP) in 2014 kum in kumpi ang puo a tualeh 2019 leh 2024 ah jong apuo tou nalai uhi.
Translated by: William Zo
