Archbishop Simon Poh in indigenous mite dingin Oral Bible translation hoitah in bawlpi ding poimaw sah
Chapter of ‘Faith comes from Hearing Asia’ kichite saina nuai a two-day weekend session Kuching ah nanei ua, tuana zinmang Pu Arcbishop Simon Poh in thugenna a Oral Bible Translation pen Borneo leh Southeast Asia gamkai sunga indigenous mite’n phattuampi dan na gen ah, tuana Oral Bible translation thupitah a bawl ding poimaw thu na gen.
Pu Archbishop Simon in genna ah, ‘’Sarawakte ahileh ngaina, tawndan, hamdan nei christian nam khat ahia, Southeast Asia gamkai ah teng atam ua, tuana Sarawak namte seh 50 bang chrsitian ahi uhi’’
‘’Sarawak namsung ah hamdan tuamtuam nam 30 aum a, Mangham, China ham leh Bahasa Malaysia ham thum teng National ham in zang ua, Sarawak ham tatah a ki At (written) leh Aw ( Voice) ah Bible tutan nei nailou uhi’’ chin Pu Simon Poh in gen.
‘’Hunpeisa a Pasian nasemte’n Bible leehkhia sawm nanleh sum leh pai hasahna lianpi na tuoh jiehun na bawl mantah sih ua, tualeh leitung nasatah in khangtou mama a, ahinlah vangsiet huaitah in Singtang kotong ah khosa namneuten tunitan in amau ham ah Laisiengthou nei naisih uhi’’ chin Pu Poh in puonatna thugen sawnsawn hi.
Nam khat a ding Bible khat bawl khiet ding hileh kum 30 vaya hunlut ding ahi jiehin ahan, amante’n adamsungun amau ham tatah Bible ajahman na dingin FCBH ten Oral Bible Translation panlahna nei uhi.
Oral Bible Translation ten tam nasep pat khietna doi leh tup ahileh lai theilou tamna mun leh Bible nei nailoute kunga Pasian thu tangkohna nasahtah nei nuam ua, tualeh adiehin Sawarak namte lai theilou tam jiehun Oral Bible amau dingin tutadih in lem pen ahi.
FCBH ten genna ah leitunga ham leh pau 7100 aum ah, tuana seh 70% bang lai theilou in akam, aham ua ki hou tho ua, tualeh 50% bang lai sim theilou leh gial theilou in um nalai ah, tamte jiehin Oral Bible tutahdih in lem pen ahi chin gen hi.
Tualeh FCBH ten Oral Bible mission pan ngal ua, tamte ahing lawchin theina dingin khat leh khat kipanpi tuah poimaw dan thugen ah tuabanah tam Oral Bible pen ham leh pau nei jousie khu athawn in ki bawlpi dinga, tualeh jong kum 2033 chiengin ham leh pau nei jousie in Bible khat chiet amau ham chiet ah neisah ding chi jong doi leh tup ahi.
